Receta

Tavë kosi me pulë dhe hudhra nga zonja Vjollca

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

Redaksia 11 Shkurt 2021, 11:25 | Përditesimi: 11 Shkurt 2021, 11:26

Tavë kosi me pulë dhe hudhra

Përbërësit:

4 racione pulë

Ndërgjegjësohen qytetarët, s’marrin antibiotikë pa recetë! Rekomandimet e mjekëve dhe farmacistëve në raste virozash: Konsumoni lëngje, shmangni kopshtet

LEXO EDHE:
Ndërgjegjësohen qytetarët, s’marrin antibiotikë pa recetë! Rekomandimet e mjekëve dhe farmacistëve në raste virozash: Konsumoni lëngje, shmangni kopshtet

500 ml ujë

4 lugë gjelle miell

3 kokrra vezë

1 kg kos

8 thelpi hudhra

kripë dhe piper të zi

3 lugë gjelle gjalp dhe 1 lugë gjelle vaj ulliri

1 lugë kafe piper të kuq

Përgatitja:

Pasi ti kemi larë dhe tharë mirë copat e mishit të pulës i kaurdisim me pak yndyrë sa të zverdhen pak. Më pas shtojmë 500 ml ujë dhe e lemë mishin të ziejë për 20 minuta.

Në një tenxhere kaurdisim me yndyrën e mbetur 4 lugë miell. Sa të shohim që mielli fillon të ziejë pa i dhënë ngjyrë, e shuajmë me lëngun e mishit dhe e largojmë nga zjarri duke shtuar gradualisht kosin dhe duke e trazuar me tel dore.

Grijmë hudhrat imët dhe i shtojmë në kos. Rrahim më pas vezët, i shtojmë tek kosi me miell dhe në fund rregullojmë shijen me kripë dhe piper të zi. Vendosim thelat e mishit në një tavë, shtojmë kosin duke i mbuluar copat e mishit.

Shkrijmë 1 lugë gjalpë me pak piper të kuq dhe spërkasim sipërfaqen e tavës. E vendosim më pas mishin e pulës me kos dhe hudhra në furrën e parangrohur në temperaturën 180 gradë Celsius për 25 minuta.

D.M./Shqiptarja.com

TAG: