POP 5

Lajmet më të lexuara të 5 minutave të fundit

Sociale

Tetori rozë muaji i sensibilizimit, u kryen 11.750 kontrolle! Shefja e Onkologjikut: S’dominojnë më stadet e avancuara, por të hershme

11.750 kontrolle janë kryer në tetorin rozë kushtuar ndërgjegjësimit të grave dhe vajzave ndaj kancerit të gjirit. Shefja e Spitalit Onkologjik Silvana Çeliku veçon se ka një rritje me 20% të rasteve, por tashmë nuk dominojnë më pacientët në stade të avancuar por falë kontrolleve sëmundja po kapet në faza të hershme.

Tetori rozë i ndërgjegjësimit kundër kancerit të gjirit është mbyllur me 11.750 mamografi të kryera nga gratë dhe vajzat. Shefja e Onkologjisë, Silvana Çeliku në një intervistë për Report TV thotë se ka një rritje me 20% të numrit të rasteve por tashmë nuk dominojnë më pacientët në stade të avancuara.

“Ka një rritje me 20% të numrit të kancerit të gjirit, por kemi parë një ulje të stadeve që prek kjo sëmundje. Tani nuk dominojnë stadet e avancuara, por stadet shumë të hershme. Të gjitha vajzat pas moshës 20 vjeç, duhet të kontrollohen. Të bëjnë mamografi. Të bëjnë të mundur që mos të kalojnë në kancer. 40-70 vjeçare preken më shumë, por as këto mosha të reja nuk përjashtohen. Duhet të shkojmë tek mjeku dhe kur nuk ka shenja. 10 vjeçarin e fundit kemi një shtim. Nëse kemi pasur 500 raste, sot kemi 700-720 raste. Kjo lidhet dhe me ndërgjegjësimin për tu depistuar”, tha shefja e Onkologjikut, Silvana Çeliku.

Mjekja këshillon që kontrollet duhet të bëhen në çdo ditë të vitit madje edhe nga të gjitha vajzat mbi 20 -vjeç.

“Nuk mjafton vetëm muaji tetor, por duhet të rritet ndërgjegjësimi gjatë gjithë vitit. Diagnostikimi i hershëm, shpëton jetë, kursen para”, tha mjekja.   

Përpos qendrave shëndetësore dhe spitale, nga 11.750 kontrolleve të kryera 922 u bënë në njësitë e lëvizshme kryesisht në zonat rurale. Sipas shifrave të ISHP, gjatë vitit 2022, u konstatuan 710 raste të reja me kancer të gjirit.

M.T/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58