Protesta për Rashën/ Kim: Bisedova me Ramën, Bashën, Kryemadhin e Veliun! Ish-pushtetarët të mos bëjnë gabimet e së kaluarës, të mos nxisin dhunë

TIRANË- E ashpër ka qenë ambasadorja e SHBA-së, Yuri Kim në reagimin e saj, ku i ka tërhequr veshin opozitës që për herë të parë i quan " ata që kanë qenë në pushtet", duke i thënë që të mos bëjë gabimet e së kaluarës, duke nxitur dhunë në protestat që po organizohen për vrasjen e Klodjan Rashës nga polici.

Në një kohë që presidenti Ilir Meta dënoi dhunën e policëve, por nuk tha asgjë për aktet jo të hijshme të protestueve, apo nga ana tjetër kryetari Lulzim Basha që deklaroi se "është krenar për rininë që nuk po rri duarkryq", Kim thekson se është e gabuar që të sugjerohet se dhuna në protesta është e pranueshme.

Në deklaratën e ambasadores Kim duket se ka dhe një referim të drejtpërdrejtë edhe ndaj gjuhës së dhunës që ish-kryeministri Sali Berisha përdori gjatë një interviste televizive një nate më parë, ku u shpreh se Garda kishte vepruar mirë në vrasjen e 4 protestuesve të 21 janarit dhe se Edi Rama do të qëllohej me 5 snajperë nëse do të shkonte të nesërmen sërish në proteste para selisë së qeverise "Berisha". Kim është e ashpër dhe e qartë për çfarë tha Berisha: "Ata që kanë qenë në pushtet më parë nuk duhet të bëjnë gabimet e së kaluarës, duke sugjeruar se dhuna është e pranueshme", tha Kim.

Ajo ka zbuluar se ka pasur një komunikim me kryeministrin Edi Rama, kryedemokratin Lulzim Basha, kryetaren e LSI-së, Monika Kryemadhi dhe Drejtorin e Policisë, Ardi Veliu. Përveç mesazhit të fortë drejtuar opozitës, ose ish-pushtetarëve, ambasadorja ka vlerësuar reagimin e autoriteteve për kapjen dhe vënien përpara drejtësisë të efektivit që kreu aktin, teksa theksoi se qeveria ka "përgjegjësinë të sigurojnë një hetim të plotë dhe transparent të incidentit, të ushtrojnë përmbajtje në mbrojtjen e sigurisë dhe pronës publike"

"Vdekja e Klodjan Rashas është një tragjedi dhe ne i shprehim ngushëllimet më të thella familjes dhe miqve të tij. Ambasadorja Kim bisedoi sot me Kryeministrin Rama, Drejtorin e Policisë Veliu, Kryetarin e Partisë Demokratike Basha dhe Kryetaren e Lëvizjes Socialiste për Integrim Kryemadhi, për të diskutuar mbi të drejtat e qytetarëve dhe përgjegjësitë e udhëheqësve.

Ajo nënvizoi se ata që janë në pushtet kanë përgjegjësinë të sigurojnë një hetim të plotë dhe transparent të incidentit, të ushtrojnë përmbajtje në mbrojtjen e sigurisë dhe pronës publike, si dhe të sigurojnë përgjegjësi në të gjitha rastet. Në këtë drejtim, ne vërejmë se autoritetet kanë kapur oficerin në fjalë dhe kanë nisur hetimet. Ata që kërkojnë të jenë në pushtet duhet të shfaqin aftësinë e tyre për të udhëhequr në një mënyrë të përgjegjshme, përfshirë edhe duke refuzuar dhunën.

Ata që kanë qenë në pushtet më parë nuk duhet të bëjnë gabimet e së kaluarës, duke sugjeruar se dhuna është e pranueshme. Ambasada e Shteteve të Bashkuara u bën thirrje të gjitha palëve të tregojnë përmbajtje, në përputhje me përgjegjësitë e tyre, në mënyrë që të drejtat e të gjithë qytetarëve shqiptarë të mbrohen, dhe që zërat e tyre, përfshirë atyre në protestë, të kenë mundësi të shprehen dhe të dëgjohen pa dhunë", shkruan Kim.

Ky reagim vjen vetëm pak minuta pasi të niste protesta e tretë radhazi për vrasjen e Klodjan Rashës. Ndërkohë, më herët ka reaguar edhe ambasadori italian në Tiranë Fabrizio Bucci, ku ka theksuar se është kundër përplasjes dhe dhunës, por protesta duhet të jetë paqësore.

Postimi i plotë i ambasadores së SHBA-së, Yuri Kim

Rendit zhvillimet sipas orarit:
Ora 19:37
Protesta për Klodjan Rashën/ Ambasadori britanik: Ne e kuptojmë pse njerëzit janë të zemëruar, por t'i zgjidhin gjërat në mënyrë paqësore

Në të njëjtën linjë me diplomatët e huaj në vendin tonë ka qenë dhe ambasadori i britanik, Duncan Norman.

"I shprehim solidaritin dhe ngushëllimet familjes së Klodian Rashës. Drejtësia duhet të vendoset. Dhe duhet parë se po vendoset. Ne e kuptojmë pse njerëzit janë të zemëruar dhe mbështesim të drejtën për protestë paqësore. Le t'i zgjidhim gjërat në mënyrë paqësore", shkruan Norman.

Ora 19:30
Vrasja e Klodjan Rashës/ OSBE: Thirrje për përmbajtje nga çdo lloj dhune dhe që të lejohet ligji të veprojë

Pas SHBA e BE, edhe OSBE bën thirrje për përmbajtje nga çdo lloj dhune dhe që të lejohet ligji të veprojë. 

"Ligjshmëria dhe rendi publik janë në themel të demokracisë dhe shtetit të së drejtës. Prezenca e OSBE-së në Shqipëri shpreh keqardhjen e saj të thellë për vdekjen e Klodian Rashës dhe besimin se ajo do hetohet si duhet. Mendimet dhe lutjet tona janë për familjen e tij. Tani, ne bëjmë thirrje për përmbajtje nga çdo lloj dhune dhe që të lejohet ligji të veprojë", thuhet në reagimin e OSBE. 

Ora 19:12
Protesta për Klodjan Rashën/ Ambasadori gjerman: Dhuna nuk është zgjidhje

Ambasadori gjerman Peter Zingraf ka bërë thirrje që të shmanget dhuna në protesta. Sipas tij, dhuna nuk është një zgjidhje.

"Ngjarjet e ditëve të fundit më mbushin me shqetësim dhe trishtim. Vdekja e të riut më ka prekur edhe mua shumë. Është e rëndësishme dhe e drejtë, që kjo ngjarje të zbardhet plotësisht. Mendimet e mia janë pranë familjes së viktimës. Por ajo çka na mëson gjithashtu ky rast tragjik është – dhuna nuk mund të jetë zgjidhja. Ushtrimi i lirë i të drejtës për protesta është thelbësor për çdo demokraci. Por, edhe kur bëhet fjalë për gjëra shumë emocionale dhe elementare: vetëm protestat paqësore legjitimohen si demokratike. Unë i bëj thirrje të gjitha palëve, të heqin dorë nga dhuna", shkruan ambasadori gjerman Peter Zingraf.

Ora 18:44
Protesta për vrasjen e Klodjan Rashës/ Soreca: Dhuna duhet të shmanget në çdo rast, nga të gjitha palët

1606554127_luigisoreca.jpg

Pas ambasadores së SHBA-së, Yuri Kim, ka ardhur reagimi edhe i ambasadorit të BE-së, Luigi Soreca. Ai ka vënë theksin që dhuna duhet të shmanget në çdo rast, nga të gjitha palët.

"Shumë i pikëlluar nga ngjarjet e ditëve të fundit. Mendimet e mia janë me familjen e Klodian Rashës. Tani është thelbësore që kjo ngjarje tragjike të hetohet si duhet dhe të vendoset drejtësia, dhe shqetësimet e shprehura paqësisht të dëgjohen. Por dhuna duhet të shmanget në çdo rast, nga të gjitha palët", shkruan Soreca. 

Ora 17:32
Ambasadori italian, Fabrizio Bucci: Pranë familjes së Klodjanit! Jam kundër përplasjes dhe dhunës

Ambasadori i Italisë në Tiranë, Fabrizio Bucci, përmes një postimi në rrjetet sociale, ka shprehur shqetësimin e tij në lidhje me ngjarjet e ditëve të fundit pas vrasjes së 25-vjeçarit, Klodjan Rasha.

Bucci teksa shpreh ngushëllimet për familjen shkruan se është kundër përplasjeve dhe dhunës.

"I trishtuar nga ngjarjet e ditëve të fundit. I gjendem pranë familjes së Klodian Rashës dhe jam i sigurt se drejtësia do të vihet në vend. Por jam kundër përplasjeve dhe dhunës: e drejta për të protestuar duhet të ushtrohet në mënyrë paqësore. Kështu funksionon në demokraci", ka shkruar Ambasadori i Italisë në Tiranë, Fabrizio Bucci.

B.K./b.ha./Shqiptarja.com
  • Sondazhi i ditës:

    Raporti i OSBE-ODIHR për zgjedhjet e 25 prillit: si te duket?

Komento

Komente

  • UKU MOMLIT: 12/12/2020 10:02

    Zonja Ambasadore e SHBA:Gjuha juaj eshte diplomatike dhe keshtu duhet kuptuar,por ne shqiptareve qe na jane punuar me te zezat humane per te pakten 30 vjet mbi kurriz, nga kjo klase e ndyre politike ne [email protected] nuk tingellon mire artikulimi "GABIME TE SE KALUARES" dhe artikulimi real eshte "KRIMET SHTETERORE TE SE KALUARES DHE NE VAZHDIM"......

    Përgjigju
  • Lenci: 12/12/2020 06:31

    Sali Muri, Ilir Kaka, Lulzim Shurra. Te drejte keni me keto epitete. Dhe kapakun e ketyre e meritun Edi Haleja.

    Përgjigju
  • Fatjon: 11/12/2020 23:16

    Jo vetem qe ia fut kot por edhe nderhyn ne punet e brendshme pa pike etike. Ata qe jane ne pushtet kan detyre te hetojne???? Ne Shqiperi hetimi eshte kompetence e Prokurorise. Ajo eshte e pavarur dhe jo pjese e pushtetit apo partise qe ka pushtetin. Tani kjo deklarate ose eshte lajthitje ose konfirn qe pushteti ka kapur drejtesine, ne rastin konkret prokurorine. Edhe per ata qe kane qene ne pushtet. Deri tani as ka evidenca qe i kane orfanizuar apo po i organizojne. Pra kjo merret me spekullime??? Apo ja fut edhe PS, pse edhe ato kane qene ne pushtet, kane bere protesta te dhunshme, djegur goma, makina, bllokuar rruget.

    Përgjigju
  • AltinTop: 11/12/2020 23:05

    Kemi votuar Ramen per ndryshim dhe jo per pare historine se si perseritet cdo vit me djegie dhe shkaterrim.

    Përgjigju
  • Derrat: 11/12/2020 21:55

    Nuk eshte populli i opozites qe proteston, nuk eshte Stresi “cun tirone”, nuk jane pushtetare, jane vetem 2 emra Sal qeni dhe Ilir mutu. Keto buce njerzore pjellin dhe mostra si Sal Sresa e Xumra tallavash...

    Përgjigju
  • Shqiptar: 11/12/2020 19:55

    E kuptuan me ne fund dhe nderkombetaret qe kjo eshte revolte e nxitur nga ata qe kane qeverisur duke vrare nga ata qe duan vetem gjak dhe te vin ne pushtet me dhune. Jeni te mbaruar o hajduter o vrases te njerezve ne bulevard me duar ne xhepa o kriminelet e gerdecit 1998 1997 2011

    Përgjigju
  • Kolo: 11/12/2020 19:30

    Mire e ka zonja Ambasadore dhe Ambasadorleshet e tjere. Por ne po mesojm nga ata. Dhemokratet Amerikane i vune flaken 5 muaj tere Amerikes per nje vrasje te tille madje ai tipi qe nje drogmen dhe kriminel ordiner per aresye politike. Keshtu qe mos na caj shume koken kjo Ambasadorja se Amerika ka nja 10 vjet qe eksporton me shume pislliqe se sa te mira. Hajde tani thirrini mendjes te gjitha palet por mos na shurrosni mbi koke e te na thoni po bie shi.

    Përgjigju
    • polici eshte hero: 12/12/2020 09:18

      O Cimi dhe Kolo ambasada amerikane nuk ndjek Fevziun me Enin dhe nuk degjon gjithologet e mediave sic beni ju. Aq me pak te intimitohet nga 50 kalamaq qe vijne era shurre dhe hashash. Nuk e shet Amerika policin e vet sic beri Rama ne Shqiperi per politike.

    • Cimi: 12/12/2020 06:35

      Me mire se kaq nuk thuhet. Amerikanet duhet te rregullojne vendin e tyre para se ti japin mend botes. Ato qe behen ne shqiperi jane lodra kalamajsh para atyre qe behen ne America. Te rregolloj votimet e amerikes njehere pastaj te japin mend.

  • Soni: 11/12/2020 18:46

    Pse nuk ben hetim per procedurat policore te ndjekura. Pse bejne si gangsterra forcat shqiponja neper tirane

    Përgjigju
    • Antoni: 11/12/2020 19:59

      Mos u bë " i forti "më Policin se të vret. Ose, ai që e bënë " të fortin" vret Policin. Po të jesh në rregull, pse të biesh në konflikt më Policin? Policia është APARAT DHUNE. Dhe mirë që i kemi.

  • vjosa: 11/12/2020 18:40

    JAM PLOTESHISHT dakort me vloren..

    Përgjigju
  • qytetari i tiranes: 11/12/2020 18:36

    BRAVO,, ZNJ,AMBASADORE QE I KE TERHEQUR VESHIN KETYRE PALACOVE TE OPOZITES,,,ATA DUAN RREMUJE QE TE VJEDHIN DHE VRASIN SHQIPTARET ASHTU SIC KANE BERE PER 30 VJET ,,,,,AND ONE MORE TIME MISS YURI KIM THANK YOU FOR YOUR INTERVENTION....////

    Përgjigju
  • Vlora: 11/12/2020 18:09

    Zonja ambasadore me keta qe keni folur ju nuk i pyet kush,organizimin po e bene Ilir meta 7%,me sali vrastarin,duan me cdo kusht te marrin shtetin qe te shperbejne reformen ne drejtesi per te mbrojtur pasurine e vjedhur, e kane ndier friken ..

    Përgjigju
  • polici eshte hero: 11/12/2020 18:08

    Prandaj qenka bere kaposh ky palloshi yne sot? O pallosh e shikon se cfare ben nje shtet qe i thote vetes shtet? Nuk fshihet dhe dhunes dhe vandaleve ju thote emrin qe meritojne. Nuk shesin policin, as nuk bejne gjyqe dhe as nuk justifikojne dhune me "protesten" sic bere ti dje. Polici eshte hero, i lumte dora.

    Përgjigju
    • Per emigrantin: 11/12/2020 19:58

      Ti emigranto mos na u prek shum per baballaret e 21 janarit se jane ata qe te kan vrare shpresen dhe ky ka 7 vjet qe po e ringre me mish e me shpirt shtetin qe ka 30 vjet qe vetem e vjedhin ilir meta me sali berish e kompani

    • Polici eshte hero: 11/12/2020 19:26

      I krijoi Saliu getot ne Tirane po ti je nga keta qe vijne era shurre dhe hashash se kane nje jave pa ndruar breket.. Je nga keta dobicat e 90 si rezultat i perversitetit te viteve 90. Po i shoh nga hoteli se kam ardhe 1 jave me pushime ne shqiperi.

    • Emigranti: 11/12/2020 18:37

      Sa dukesh ti që vjen në Shqipëri vetë për një javë pushime. Ata që janë në shesh nuk kan asnjë të ardhme. Jetojnë në getot qe krijuan lejet e ndërtimit të Edvinit dhe Tan Lepurit. Je në krahun e gabuar or mik

  • sadik cani: 11/12/2020 18:06

    Ishte nje nga ministrat qe la gjurme ne transformimin nga polici e pushtetit drejt policise se shtetit. te shtetit

    Përgjigju
    • Vangjel Stefa: 15/12/2020 09:55

      Protestat nuk kane lidhje me vrasjen e te riut keto jane protesta politike te organizuara nga 2 forca politike pd dhe lsi me ne krye krimineli sali berisha hajduti i rruges se kombit lulzim basha edhe hajduti i floririt ilir komunisti. Prandaje protestat nuk mud te vazhdojne sepse jane organizuar femje te mitur per te shkaterruar instuticionet dhe prona shteterore pasi kjo lloje jane te papergjegjeshem para ligjit.Po te ishte per Klodianin duhesh te merrnin pjese ne protest i madh dhe i vogel duke protestuar ne menyre paqesore pa cenuar instutucionet shteterore.Protestat te tilla duheshin nderprere dhe nuk kane vlere.



×

Lajmi i fundit

John

Calja në vendin e katërt në botë në peshëngritje, Rama: Vetëm 1 kg larg medaljes olimpike, kjo është një arritje dinjitoze për Shqipërinë