TIRANE-Shkon në 36 numri i viktimave nga COVID-i në Shqipëri. Në 24 orët e fundit ka ndërruar jetë në spitalin infektiv një pacient 71 vjeçar nga Durrësi, i shtruar prej më shumë se dy javësh. Gjatë 24 orëve të fundit janë kryer 300 testime për të dyshuar të prekur me Covid19 nga të cilat janë konfirmuar 31 raste pozitive, 13 më pak se dje, pjesa më e madhe kontakte familjare të rasteve të konfirmuara pozitivë, por ka disa raste të reja në proces hetimi në Elbasan, Vlorë, Shkodër dhe Tiranë.
Shpërndarja e rasteve të reja është si vijon: 8 raste në Tiranë, 6 në Pukë, 5 në Shkodër, 5 në Vlorë, nga 2 raste në Durrës, Krujë, Elbasan, dhe 1 rast në Lushnje.
Lajmi i mirë është se gjatë 24 orëve të fundit numri i të shëruarve është më i lartë se ai i të prekurve nga Covid19. Janë shëruar 33 qytetarë. Aktualisht në spitalin infektiv po marrin sherbim 48 pacientë, prej tyre 7 janë në terapi intensive. Në vendin tonë janë aktualisht 346 persona aktivë me COVID19, kryesisht në Tiranë, Shkodër, Krujë ku ka transmetime komunitare.
Ministria e Shëndetësisë dhe Mbrojtjes Sociale u bërhi thirrje qytetarëve për ndërgjegjësim, "të jemi më të kujdesshëm për shëndetin tonë dhe të afërmve tanë ndaj Covid19, të respektojmë distancimin fizik jo më pak se 1.5 m, aty ku nuk është e mundur të respektohet të përdoret maska mjekësore, të evitojmë grumbullimet masive, në ceremoni festive, mortore, fetare, të evitojmë kontaktet, dhënien e duarve dhe përqafimeve, të respektojmë higjenën respiratore, kollitje e teshtime të kryhen në këndin e brrylit dhe të gjitha masat duhet të kombinohen me higjienën e larjes së duarve. Është shumë e rëndësishme që në këtë luftë kundër Covid 19 të jemi të gjithë bashkë".
COVID-19 – Statistika (12 Qershor 2020)
Testime totale 19862
Raste pozitive 1416
Raste të shëruara 1034
Raste Aktive 346
Humbje jete 36 (Qarku Tiranë 21, Durrës 7, Fier 4, Vlorë 1, Shkodër 2, Kukës 1)
Shpërndarja gjeografike e rasteve aktive është si vijon:
Tiranë 199
Shkodër 45
Krujë 32
Kamëz 23
Durrës 15
Pukë 7
Lushnje 6
Vlorë 6
Elbasan 3
Mat 2
Tropojë 2
Korçë 1
Librazhd 1
Mallakastër 1
Lezhë 1
Berat 1
Ura Vajgurore 1
Sot në Shkodër janë 4 raste me COVID, një në Malësi të Madhe dhe 6 në Pukë duke e çuar në 11 numrin në total në 24 orët e fundit.
Sot janë shënuar dy raste të reja me COVID në Belsh, nënë e bijë, të cilat janë infektuar në Tiranë. Nënë e bijë kanë qenë në Tiranë në QSUT dhe dyshohet të jenë infektuar aty, ndërsa tani janë karantinuar në shtëpi.
Në Durrës sot janë shënuar tre raste të reja me COVID. Njëri është punonjës policie i cili rezultoi pozitiv për herë të dytë. Efektivi ka infektuar edhe gruan. Ndërkohë që është shënuar edhe një rast i ri sot në Durrës, duke e çuar në tre numrin.
Sot në Krujë pritet që të konfirmohen dy raste të reja me COVID. Bëhet fjalë për nënën e një punonjëse fasonerie e cila është infektuar nga e bija dhe për një mësues. Ndërkohë sot vijojnë testimet në fasoneri për të parë nëse ka të infektuar mes kontakteve të punonjëses së infektuar.
Edhe ditën e sotme duket se do të kemi një numër të lartë të qytetarëve të infektuar me COVID. Burime për Report Tv pohojnë se në Vlorë në 24 orët e fundit kanë rezultuar 5 raste pozitive me COVID, 4 prej tyre familjarë të rastit të parë, të djeshëm si dhe një rast i ri, vatër e re në një fasoneri.
Në total në 24 orët e fundit janë kryer 14 tampone, mes tyre 12 familjarë të rastit të parë, pra të djeshëm. Dje u regjistruan 44 raste me koronavirus dhe një qytetar nga Lushnja ndërroi jetë.
Tre ditët e fundit shifrat kanë qenë në nivel alarmant, duke sjellë paralajmërimin e kryeministrit Edi Rama se nëse nuk ka ndërgjegjësim mund të rikthehet karantina.
Lajme të tjera
-
Agjencitë e inteligjencës në SHBA të ndara për origjinën e koronavirusit
25 Qershor 2023, 14:09 -
Rikthehen viruset tek fëmijët pas pandemisë
19 Qershor 2023, 08:14 -
COVID-19, Organizata Botërore e Shëndetësisë shpall fundin e emergjencës globale! Vlerësimi: 20 mln njerëz humbën jetën
5 Maj 2023, 16:17 -
Gjermanët padi për dëme të shkaktuara nga vaksinat ndaj COVID
13 Prill 2023, 08:24 -
Korrupsion me respiratorët gjatë pandemisë 'Covid 19', kryeministri i Federatës së Bosnjës dënohet me 4 vite burg
5 Prill 2023, 11:01 -
Shëndetësia/ Meta: Pandemia e provoi dështimin e qeverisë, falsifikuan shifrat! Ne do të rrisim me 50% pagat për ‘bluzat e bardha'! 5% financim të GDP për buxhetin
31 Mars 2023, 11:25 -
OBSH i kërkon Kinës të publikojë të gjitha të dhënat e lidhura me origjinën e COVID-it
18 Mars 2023, 21:11 -
SHBA pritet të ndërpresë testimin e detyrueshëm për COVID-19 për udhëtarët nga Kina
8 Mars 2023, 14:08 -
A e ka virusi Corona origjinën nga laboratori?
4 Mars 2023, 21:11 -
Origjina e virusit mbetet ende mister dhe tre vjet pas pandemisë
28 Shkurt 2023, 20:18 -
Eduard Zaloshnja: Efekti i epidemisë dhe luftës në Ukrainë tek çmimet e konsumit
27 Shkurt 2023, 15:13
-
OKB: Shqetësime të mëdha për shkak të trafikimit të qenieve njerëzore
25 Janar 2023, 07:47
