POP 5

Lajmet më të lexuara të 5 minutave të fundit

Kronikë

Vetingu hap dosjen e Arjana Fullanit dhe i jep goditjen e parë, kundërshton përjashtimin me 15 vite nga drejtësia pasi u dorëhoq

Kolegji i Posaçëm i Apelit nis shqyrtimin e kërkesës së Arjana Fullanit, ish-anëtarja e Gjykatës së Lartë kërkon të rrëzojë përjashtimin me 15 vite nga drejtësia pasi dha dorëheqjen për t’i shpëtuar Vetingut. Fullani mund të qëndronte në Gjykatën e Lartë ose të shërbente në Apel, por nuk pranoi.

Vetingu hap dosjen e Arjana Fullanit dhe i jep goditjen e parë, kundërshton përjashtimin me 15 vite nga drejtësia pasi u dorëhoq

Arjana Fullani me bashkëshortin Ardian Fullani

Në Kolegjin e Posaçëm të Apelit ka nisur sot shqyrtimi i kërkesës së ish-anëtares së Gjykatës së Lartë, Arjana Fullani, bashkëshorte e ish-guvernatorit të Bankës së Shqipërisë, Ardian Fullani, për të pasur rrugën të lirë, për t’u rikthyer në drejtësi.

Fullani kërkon rrëzimin e një pike në vendimin e shkallës së parë të Vetingut, që e ka përjashtuar atë me 15 vite nga drejtësia shqiptare, pasi dha dorëheqjen për t’i shpëtuar Vetingut. Fullani i qëndron dorëheqjes, por nuk pranon përjashtimin 15-vjeçar. Sot, trupa gjykuese e përbërë nga Albana Shtylla kryesuese, Natasha Mulaj relatore, Ina Rama, Rezarta Schuetz, Sokol Çomo anëtarë, vendosi në dhomë këshillimi që kërkesën e zonjës Fullani ta shqyrtojë në seancë gjyqësore publike, javën e ardhshme, konkretisht ditën e mërkurë ora 10.

Zonja Fullani kishte paraqitur një kërkesë në Kolegj, ku kërkonte pezullimin e gjykimit. Kërkesa u rrëzua me shumicë votash nga trupi gjykues. Me këtë vendim, Kolegji ka vendosur ta kalojë çështjen në seancë plenare, ku do të ftohet edhe Fullani.

Zonja Fullani u largua nga Gjykata e Lartë në korrik të 2017, ndonëse sipas ligjit mund të qëndronte në detyrë pa limit kohor, deri kur të zëvendësohej, siç bëri Ardian Dvorani. Pavarësisht largimit nga Gjykata e Lartë, Fullani, sipas Komisionit të Vetingut, nuk e humbi statusin e magjistrates, pasi kishte të drejtë të shërbente si gjyqtare në Gjykatën e Apelit. Për rrjedhojë, për Fullanin nisi Vetingu në mars të 2019.

Në pill të 2019, Arjana Fullani i dërgon një shkresë KPK-së ku njofton se nuk dëshiron të shërbejë më në drejtësi. Megjithatë, KPK-ja ka pohuar se ajo e gëzonte ende statusin e magjistratit. Çështjen e ka zgjidhur Këshilli i Lartë Gjyqësor, i cili me prill të 2019 vendosi mbarimin e statusit të magjistratit për Arjana Fullanin. Bazuar në vendimin e KLGJ për mbarimin e statusit, Komisioni i Pavarur i Kualifikimit, në korrik të 2019, vendosi të ndërpresë procesin e Vetingut për Arjana Fullanin.

Në këtë vendim, KPK vendosi edhe shënimin: ‘Të deklarojë humbjen e së drejtës së këtij subjekti për t’u emëruar gjyqtar ose prokuror i çdo niveli, anëtar i Këshillit të Lartë Gjyqësor ose i Këshillit të Lartë të Prokurorisë, Inspektor i Lartë i Drejtësisë ose Prokuror i Përgjithshëm, për një periudhë 15-vjeçare'.

E.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Dvorani: 17/10/2020 07:30

    I jepni rrogen per kater vjet si e mori Shpresa Becaj nga KLD e famshme e Ilir Metes, . I gjykoni per t’u mare pasurine dhe te futen ne burg gjithe keta hajdut gjak pires, Ja kaloni SPAKU -t ndoshta zgjohen..

    Përgjigju
  • Niku: 16/10/2020 22:17

    Nje korrigjim te artikulli. Zonja nuk e pranon doreheqjen, se nuk ka qene ne detyre.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

5 këshilla si të shtroni tryezën për Krishtlindje

5 këshilla si të shtroni tryezën për Krishtlindje

25 Dhjetor, 09:25