POP 5

Lajmet më të lexuara të 5 minutave të fundit

Sport

Vllaznia e femrave luan për histori, mbi 50 mijë euro premio! Kapitenia: Juventus nuk na tremb, duam fitoren

Vllaznia e femrave është një hap larg kualifikimit në grupet e Champions League, por për t’ia dalë duhet të eliminojë Juventusin. Një kundërshtar me të cilin përballjen e parë e ka të mërkurën, ndërsa vajzat shkrodrane thonë se nuk i tremben aspak. Ndërkohë në rast kualifikimi është futbollistet do shpërblehen me më shumë se 50 mijë euro.

Vlllaznia e futbollit të femrave, që pothuajse çdo vit bën krenar futbollin shqiptar në Europë, do të luajë të mërkurën në orën 19:00 ndeshjen e parë në Champions League kundër Juventusit që vlen për t’u kualifikuar në grupe. Vajzat shkodrane i pret një kundërshtar që në 5 vitet e fundit është shpallur kampione e Seria A, por gjithsesi ata nuk kanë aspak frikë dhe për më tepër janë optimiste për fitoren.

Nikolin Leka, trajner i Vllaznisë: “Padiskutim që është ndeshje e madhe, pasi të luash me Juventusin është kënaqësi. Ka emocione brenda, por edhe përgjegjësinë. Ekipi jonë është i përgatitur për këtë ndeshje që të dalim sa më mirë.”

Esmeralda Franja, kapitene e Vllaznisë: “Vajzat janë shumë optimiste për rezultatin për ndeshjen. Mendoj se nesër do të marrim një rezultat pozitiv. Do futemi në fushe vetëm për këtë qëllim.”

Në rast kualifikimi për Vllazninë e femrave është premtuar një premio më shummë se 30 mijë euro nga presidenti Matija, ndërsa edhe presidenti i futbollit të meshkujve Alban Xhaferri ka thënë se do të japë 20 mijë euro.

Nikolin Leka, trajner i Vllaznisë: “Luajmë për fanellën e Vllaznisë dhe normalisht premiot dhe ana financiare të gëzon, por mbi të gjitha ne luajmë për historinë e klubit.”

Ky është viti i dytë radhazi që Vllaznia shkon në këtë fazë të Champions League dhe pretendon të futet në grupe.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Përse Wisconsin është thelbësor në garën presidenciale të vitit 2024?

Përse Wisconsin është thelbësor në garën presidenciale të vitit 2024?

4 Nëntor, 18:47