Godina e Kopshtit 42 në zonën e njohur si ish-Blloku në Tiranë po ringrihet nga e para, pas dëmtimit të rëndë që pësoi nga tërmeti i 26 Nëntorit 2019. Projekti i ri i cili do të përfshijë edhe ambiente të reja për çerdhe, kopësht dhe parashkollor për fëmijët e Njësisë 5, do të zgjerojë edhe kapacitetin e mëparshëm të këtij institucioni, duke e rritur me mbi dyfish numrin e vogëlushëve që do e frekuentojnë

Paraditen e sotme, Drejtori i Përgjithshëm i Policisë së Shtetit Ardi Veliu priti në një takim, për ta falënderuar, punonjësin e Policisë Shkëlzen Tafa, i cili i ndodhur rastësisht dhe jashtë shërbimit në Yzberisht ku po ndodhte një konflikt që po përshkallëzohej deri në vrasje, ka ndërhyrë me profesionalizëm duke parandaluar një vrasje të dyfishtë.

Kryetarit i Partisë Demokratike, Lulzim Basha tha se ndryshimi tashmë po vjen dhe këtë e ka kuptuar edhe Edi Rama se më 25 prill Shqipëria fiton dhe ai humb! Kryedemokrati tha se çdo orë e Ramën në pushtet i kushton shumë vendin, pas 8 vitesh që solli vetëm dështime.

Kryeministri Rama tha se plagosja në Kavajë nuk ka lidhje me politikën dhe se vetë autori tha se është militant i PD. Ai tha se Meta kërkon të ndezë tensione në fushatë me gjuhën e urrejtjes, ndërsa Basha i shkon pas Saliut. Lidhur me debatin për databasin e patronazhistët ai tha se kjo po përdoret nga Meta e Berisha për destabilizim, teksa i bëri thirrje presidentit të qetësohet.

Partia Republikane, edhe në kuadër të fushatës elektorale, ka organizuar së fundmi një konferencë  me titull 'Republikanët e Rinj - Të Bashkuar për të Drejtat e Dhëna nga Zoti', aktivitet që sipas PR është bërë në bashkëpunim me Republikanët e rinj Amerikanë. 

Policia ka shpallur në kërkim Ndriçim Jonuzi (i njohur edhe me mbiemrin Tahiri) dhe dy shokët e tij Markel Shtylla e Dorian Troplini për plagosjen me armë zjarri të sekretarit të degës së PD-së në Kavajë. Edhe pse çështja u politizua shpjet nga opozita duke thënë se kjo ka ndodhur për të tensionuar fushatën elektorale, vetë Ndriçim Jonuzi nga arratia ka sqaruar arsyet që sipas tij çuan në përplasje dhe se nuk ishin politike. Pas kësaj ka reaguar edhe kryeministri Edi Rama , i cili shpreh se politizimi që i bëri PD ngjarjes është skandaloz.

Autobusi i linjës së Kopshtit Zoologjik është përplasur me autobusin e linjës së Tiranës së Re mëngjesin e sotëm, duke lënë të plagosur 4 pasagjerë. Aksidenti është regjistruar në orët e para të mëngjesit në qendër të Tiranës.