1 milionë dollarë pajisje mjekësore kundër COVID-19 i janë shtuar Qendrës Spitalore Universitare Nënë Tereza si dhuratë nga populli amerikan. Ishte Ambasadorja e Shteteve të Bashkuara të Amerikës, Yuri Kim e cila ka mbajtur ditën e sotme një ceremoni për financimin e pajisje mjekësore. Për ministren Manastirliu kjo është një ndihmë në një kohë totalisht të pazakontë. Manastriliu shtoi se falë ndihmës së mjekëve dhe infermierëve ia kemi dalë që t’i përgjigjjemi situasë së krijuar nga koronavirusi.

Situata epidemiologjike në vendin tonë vijon të mbetet e stabilizuar. Në 24 orët e fundit nuk ka patur asnjë viktimë, ndërsa nga 2.692 testime kanë rezultuar pozitivë vetëm 7 qytetarë.

Kreu i hotelierëve dhe i shoqatës së Turizmit në Shqipëri Zak Topuzi, në një intervistë për Report Tv e cilësuar pozitive futjen e Shqipërinë te vendet e sigurta sa i përket infeksionit COVID, duke sjellë udhëtim të lirë drejt Bashkimit Evropian. Një tjetër faktor pozitiv për turizmin këtë vit, Topuzi nënvizoi  faktin kanë filluar të vijnë në Shqipëri edhe turistë nga vendet e lindjes së mesme.

Nëndrejtori i ISHP-së Dritan Ulqinaku, e ka cilësuar situatën e COVID në vendin tonë të qetë, por theksoi se risku ekziston dhe duhet të jemi kujdesshëm.  Në një prononcim për gazetaren e Report Tv Doris Sallaku, Ulqinaku tha se kemi raste të dyshuara të variantit Indian por deri më tani asnjë nuk është konfirmuar.

Ministrja e Arsimit, Evis Kushi mori pjesë në aktivitetin e prezantimit të Strategjisë së Futbollit për Femra në Shqipëri.

Grupimi 'Për PD-në' ka dalë në një konferencë për media, ku kanë listuar një sërë arsyesh se përse Lulzim Basha fitoi një mandat të tretë në krye të PD përmes një procesi me shkelje të mëdha. Edit Harxhi, e cila ishte një prej kandidatëve për kryetar të PD-së nënvizoi janë përjashtuar 28 mijë anëtarë të PD dhe kjo është shkelja me madhe e këtyre zgjedhjeve.

Nisma “Gati për Shqipërinë” tashmë është kthyer në një dritare për të gjithë të rinjtë që duan të kontriubojnë me projekte në mandatin e 3. Kryeministri Edi Rama, ka zhvilluar një takim online me një tjetër grup një tjetër grup aplikantësh për këtë nismë, gjatë të cilit të rinj kanë shprehur ide të përgjithshme mbi fushat ku duan të kontribuojnë

Anëtari i Grupimit për PD Ibsen Elezi ka deklaruar se nesër Edith Harxhi do të bëjë publike të gjitha provat sesi janë manipuluar zgjedhjet brenda Partisë Demokratike. I ftuar në Repolitix në Report TV Elezi tha se procesi zgjedhor ka qenë i njollosur në çdo aspekt duke theksuar se nukka pasur një garë të ndershme por vetëm një farsë.

Fiks Fare denoncoi mbrëmjen e së martës një skandal që ndodh brenda një komisariati policie, ku disa oficerë policie ofendojnë dhe tentojnë të nxjerrin me forcë një qytetare nga ambientet e policisë. Një qytetare u ankua në emisionin investigativ se disa ditë më parë ka bërë një kallëzim në Komisariatin e Policisë Nr.2. Më pas, ngjarja për të cilën kallëzoi herën e parë ishte agravuar. Qytetares i është dëmtuar sërish automjeti dhe shkoi ditën e shtunë në komisariatin e policisë për të bërë një referim tjetër, madje edhe me persona të dyshuar