Erida Nelaj, Drejtore e Programit të Vaksinimit ka deklaruar se 22% e popullsisë ka marrë dozën e parë të vaksinës anti- COVID, teksa tha se vendi është shumë afër arritjes së objektivit prej 1 mln vaksinime brenda qershorit.

Jemin Gjana, kryetar i Komisionit Zgjedhor në PD-së u është përgjigjur akuzave se procesi i 13 Qershorit brenda PD, mund të manipulohet. Sipas Gjanës, Komisioni Zgjedhor do të garantojë një proces korrekt, votim të fshehtë dhe numërim të saktë të votave të demokratëve.

Zamira Rami, ish-kryetarja e Bashkisë së Gjirokastrës, është marrë zyrtarisht e pandehur nga Gjykata Kundër Korrupsionit dhe Krimit të Organizuar, (GJKKO).

Puthje e përqafime me mall...kështu u karakterizua takimi i prindërve të fëmijët e tyre të mbyllur në shkollën e riedukimit në Kavajë. 1 qershori mundësoi edhe takimin mes prindërve dhe fëmijëve, të cilët nuk ishin parë prej muajsh, për shkak të masave anti-COVID, për të penguar depërtimin e këtij virusi në ambientet e vuajtjes së dënimit.

Inspektori i Lartë i Drejtësisë i ka kërkuar Këshillit të Lartë Gjyqësor shkarkimin nga detyra të tre gjyqtarëve në Durrës të dënuar për korrupsion.

Spitali "Shefqet Ndroqi", i përshtatur si COVID/2 do t'i rikthehet sërish funksionit të Sanatoriumit, pasi rreth 17 pacientët e infektuar do të transferohen te Spitali Infektivi në Tiranë.

Nëse po udhëtoni jashtë vendit, tamponin për COVID mund ta kryeni edhe në Qendrën e Testimit PCR në Aeroportin Ndërkombëtar të Tiranës.  Qendra e testimit është jashtë zonës së Mbërritjeve në Aeroportin Ndërkombëtar të Tiranës dhe për të bërë testin duhet të prisni rezultatin për 90 minuta

Kryetarja e Këshillit të Lartë Gjyqësor (KLGJ), Naureda Llagami ka ngritur alarmin duke deklaruar se Gjykatat janë në kolaps, për shkak të mungesës së gjyqtarëve, një pjesë të shkarkuar ose të pezulluar si pasojë e Vettingut.

2 qershori është një moment i rëndësishëm për italianët, është ditëlindja e Italisë moderne. Midis festave të tjera që populli italian feston çdo vit, është edhe dita e lindjes së Republikës së Italisë, që ndodhi pikërisht në 1946. Sot Italia feston 75 vjetorin e republikës parlamentare

Kryeministri Edi Rama e ka nisur mëngjesin e sotëm me publikimin e pamjeve nga punimet e shkollës së re në kryeqytet, “Vaçe Zela”.

PS doli forcë fituese në zgjedhjet e 25 prillit, e megjithatë kjo parti do të zhvillojë një analizë të detajuar në të gjithë qarqet për rezultatin e zgjedhjeve, që pritet të zgjasë 7 muaj. Kjo u vendos sot në mbledhjen e Asamblesë Kombëtare të PS, ndërsa analiza do të kalojë në tre faza përmes një komisioni të posaçëm ndërsa procesi do të nisë në 15 qershor të këtij viti,  deri në 15 Janar të 2022 në çdo nivel të partisë.

Gara për kryetarin e ri në PD , përveç kritikave të ashpra për paaftësinë e Lulzim Bashës për të fituar dhe se gara është e pabarabartë, në të ka edhe çudira nga strukturat drejtuese të saj. Ibsen Elezi ende nuk e di se kush janë arsyet dhe kriteret mbi të cilat kandidatura e tij nuk është pranuar.

Ka shkuar në 780.342 numri total i vaksinimeve të kryera në vend, duke iu afruar kështu edhe objektivit të vendosur nga qeveria për kryerjen e 1 milion vaksinimeve brenda muajit qershor.