Gjobitet dhe shoqërohet në komisariat 21 vjeçarja që bllokoi dje trafikun në Astir bashkë me shoqet e saj për të bërë video për TikTok para makinës me të cilën po udhëtonin.

Me firmë të kryeministrit Rama qeveria shqiptare mori vendimin për strehimin e afganëve për 1 vit në vendin tonë. Për menaxhimin e të gjithë situatës është ngritur një taskë forcë që ka në përbërje 7 ministri. Task-Forca ka 5 detyra! Afganëve mund t'u kufizohet liria, por do të bëhet mbi bazën e vlerësimeve individuale dhe jo në grup. 

Një 34-vjeçar është dërguar në spital i plagosur me thikë, në rrethana ende të paqarta. Bëhet fjalë për të riun Gerion Mano 34 vjeç, i cili rreth orës 14:40, në Rrugën e Barrikadave është dëmtuar me thikë.

Disa zona në Tiranë do të mbesin pa energji elektrike për disa orë ditën e nesërme, për shkak të punimeve që po kryhen në rrjet.

Kryebashkiaku Erion Veliaj ka inspektuar nisjen e fazës së dytë të punimeve në impiantin e Bovillës. Në fjalën e tij, Veliaj tha se ky investim do të mundësojë furnizimin me ujë të qytetit të Tiranës për 24 orë, teksa do të përfitojë edhe Bashkia e Kamzës.

Një 47-vjeçar ka rënë në pranga pasi i ka ofruar para një vajze të mitur në këmbim të marrëdhënies seksuale.

Najada Çomo hoqi dorë nga mandati i deputetes, ndërsa pritet që në vendin e saj në parlament, të zëvendësohet nga Mimi Kodheli. Kjo për shkak se sipas kodit të ri zgjedhor, nëse largohet një femër, vendin e saj e zë po ashtu një femër dhe në listën e kandidatëve, duke bërë që mandati t'i shkojë Kodhelit.

Mes postit të deputetes dhe asaj të mjekes, në mes të lutës me pandeminë e COVID, Najada Çomo ka zgjedhur këtë të fundit. Kryeministri Edi Rama bëri sot me dije se Çomo i kishte paraqitur atij dorëheqjen nga mandati i deputetes që fitoi në zgjedhjet e 25 prillit.

Avokati i Selim Çekaj, Maks Haxhia vijon të hedh akuza ndaj Gjykatës së Posaçme të Apelit se gjyqtarët e çështjes po shkelin të gjitha procedurat duke mbajtur në burg Selim Çekajn, ndërkohë që vetë prokurori i çështjes kërkon lirimin e tij. Ai ka kërkuar largimin e gjyqtarit Dhimitër Lara, pasi sipas Haxhisë ai e ka personale me familjen Çekaj dhe nuk mund të jap një gjykim të drejtë. Selim Çekaj, 72-vjeç, është arrestuar pasi në kontejnerin që kishte porositur me banane u gjetën 49 kg kokainë, në Portin e Durrësit.

Kjo javë nuk ka mjaftuar për të parë skena nga më të çuditshmet në Shqipëri. Një dasmor që pasi mori nusen ia lëshoi breshërisë së kallashnikovit, një gjest që nuk e justifikon dot askush e asgjë, më pas ishte grupi i dasmorëve që bllokoi aksin Lezhë-Mamurras, te mbikalimi i Patokut, duke kërcyer, por "nuk paskemi parë asgjë".

Pritja e rreth 3 mijë afganëve për t'u strehuar në vendin tonë për shkak të emergjencës së krijuar nga pushtimi i talebanëve, ka detyruar ekzekutivin të nisë procedurat për shtimin e kapaciteteve pritëse në qendrën e azilkërkuesve në Tiranë

5018 testime, 800 raste të reja, 2 humbje jete dhe 157 të shëruar në 24 orët e fundit. Ky është bilanci i COVID gjatë 24 orëve të fundit.  Aktualisht te Infektivi janë të shtruar 90 nga 120 shtretër që është kapaciteti maksimal i Infektivit.  Nga ana tjetër, aktualisht janë 6433 pacientë aktivë me COVID-19 në të gjithë vendin.

Një 26-vjeçar ka goditur makinën e policisë në Tiranë. Aksidenti ka ndodhur rreth orës rreth orës 14:44, në rrugën “5 Maji”, ku shtetasi E. T., 26 vjeç duke drejtuar motomjetin ka humbur kontrollin e tij, dhe ka dëmtuar mjetin e policisë me drejtues punonjësin e policisë R. T., 30 vjeç

Teksa puna për “goditjen” e paligjshmërisë në vend, policia e Tiranës ka vënë në pranga 3 persona për vepra të ndryshme penale.

Lagjja e re “5 Maji” në Tiranë, ose siç njihet ndryshe në projektin që mban firmën e arkitektit të njohur Stefano Boeri, “Tirana Riverside”, do të presë në fund të këtij viti 300 familjet e para që humbën shtëpitë e tyre nga tërmeti i 26 Nëntorit 2019 në kryeqytet

Muaji shtator do të jetë muaj i hapur vaksinimi kundër koronavirusit, për të gjithë personat mbi 18 vjeç. Ministrja e Shëndetësisë, Ogerta Manastirliu i bëri apel të gjithë qytetarëve që të shkojnë të vaksinohen, duke shtuar se vjeshta dhe dimri mund të na sjellin një valë tjetër të COVID. Për situatën me pandeminë, ministrja u shpreh se numri i rasteve të reja të infeksionit është rritur me 5 herë.

Muret gri të pallateve të kryeqytetit janë veshur me ngjyra dhe art nga artisti shqiptar Helidon Haliti dhe grupi i piktorëve të huaj që kanë ardhur ne Tiranë enkas për festivalin “Mural”.