Kryetarja e LSI-së, Monika Kryemadhi ka zhvilluar sot një takimin me banorët e Zall Bastarit, ku ka hedhur akuza se për shtëpitë e dëmtuara nga tërmeti, ka zgjedhje selektive nga njësitë administrative.

Një 24-vjeçare u sulmua dhe përfundoi në spital, pasi dy grabitës i rrëmbyen asaj varësen. Kanë qenë mjekët e Spitalit të Traumës që njoftuan policinë, pasi 24-vjeçarja me inicialet E. S. u dërgua për trajtim mjekësor për shkak të hematomave. E reja pas mbërritjes së policisë ka treguar se ishte sulmuar nga dy persona ende të paidentifikuar dhe se ajo kishte rënë pre e hajdutëve. 

Një makinë e tipit 'Porsche' ka shpërthyer mëngjesin e sotëm me lëndë eksplozive, në zonën e Freskut në Tiranë. Ndërtuesi Saimir Naksi është pronari i makinës që ka shpërthyer me lëndë eksplozivi.

Drejtuesi ekzekutiv i Vetëvendosjes në Tiranë, Bojken Abazi shprehet se Shqipëria ka nevojë për ndryshim dhe se këtë ndryshim nuk mund ta ketë nga partitë aktuale PS dhe PD. Abazi shfaqi hapur synimet e Lëvizjes Vetëvendosje në Shqipëri duke thënë se më 25 prill ata synojnë vetëm të marrin mandate në mënyrë që të mund të krijojnë një subjekt politik që në të ardhmen të bëhet faktor në skenën poltike të vendit.

Nga 1 Janari i këtij viti, Qeveria hoqi akcizën, taksën e qarkullimit dhe atë të karbonit për prodhimet bujqësore, duke realizuar përgjysmimin e çmimit të karburantit për fermerët.

Zbardhen 22 raste të vjedhjeve në Tiranë. Tre fëmijë të moshave 14, 13 dhe 17 vjeç janë vendosur nën hetim dhe një tjetër është shpallur në kërkim për vjedhjen e biçikletave dhe marketeve në kryeqytet. 

Shërbimet e Policisë Bashkiake së bashku me shërbimet sociale të Bashkia Tiranë, janë çdo ditë e çdo natë në terren për të ndihmuar njerëzit në situatë rruge.

Një 40-vjeçar u arrestua nga policia e Tiranës pasi u kap me 63 doza kokainë. Rigert Sinani, banues në kryeqytet u arrestua në rrugën ‘Allman Dervishi’ pasi në kontrollin e ushtruar në makinën e tij u gjetën 63 doza kokainë.

Kryetarja e LSI Monika Kryemadhi ka zhvilluar një takim me strukturat e LSI-së Tiranë, ku ka bërë me dije se të hënën do të jetë prezantimi i programit jo vetëm elektoral por të gjitha angazhimeve që LSI do të mbajë. Këtu ka theksuar se në fokus ndër të tjera kanë arsimin cilësor, rininë dhe shëndetin e qytetarëve.

Një ditë pasi njoftoi kandidimin për zgjedhjet parlamentare në Shqipëri, Lëvizja Vetëvendosje në Tiranë ka prezantuar këtë të enjte dy kandidatët e saj. Vetëvendosja ka zgjedhur dy zona se ku do të garojë, në Tiranë me drejtuesin e saj Bojken Abazin si dhe në qarkun e Lezhës me anë të Iliaz Shehut, aktivist i Vetëvendosjes në Shqipëri dhe pedagog.