Të hënën banorët e Dukagjinit kanë thirrur një protestë për ndërtimin e rrugës që e lidh këtë krahinë historike me Shkodrën. Në mbështetje të protestuesve ka dalë edhe biznesmeni i njohur, Gjergj Luca i cili ka kërkuar që sa më shumë banorë të marrin pjesë në protestën e të hënës për të kërkuar ndërtimin e rrugës që lidh Shkodrën me Alpet e Dukagjinit.

Për të dytin vit me radhë Ministria e Kulturës ka hapur thirrjen për Bonusin e Rijetësimit, një program që i vjen në ndihmë monumenteve dhe pasurive kulturore sa i përket mirëmbajtjes, rimëkëmbjes dhe rijetësimit të tyre. 

Në Shkodër janë 45 taksistë të licencuar të cilët protestojnë kundër informalitetit. Pavarësisht ankesave, ata thanë se policia dhe bashkia nuk bllokojnë makinat që kryejnë shërbimin taksi në të zezë.

Më 16 shkurt 1919, para 104 vitesh u themelua i pari klub sportiv në Shqipëri, Vllaznia.

Ermal Dhampiraj dhe Samanta Dedushi janë vënë në pranga pasi u kapën me doza kokainë të gatshme për shitje në automjetin e tyre. Në mjet, 42 vjeçari dhe 22 vjeçarja kishin kokainën gati për ta shitur në Shkodër.

Një 37-vjeçar është vënë nën hetim pasi tentoi të kalonte kufirin me 20 mijë euro ta padeklaruara.

Fqinjës e 60-vjeçarit, i cili humbi jetën një natë më parë në Shkodër për shkak të zjarrit që i përpiu shtëpinë, thonë se ambulanca kishte mbërritur me vonesë. Bashkëshortja e tij ndodhet në gjendje të rëndë shëndetësore.

Një zjarr i përmasave të mëdha përfshiu mbrëmjen e sotme një banesë në Shkodër dhe për pasojë 60-vjeçari Kapllan Nasufi ka ndërruar jetë. 

Operacioni 'Fijet' ka vijuar edhe gjate ditës së sotme me çmontimin e 20 kamerave të sigurisë në Shkodër, Korçë dhe Fier. Nën hetim janë vënë 8 persona. Konkretisht janë çmontuar dhe sekuestruar 10 kamera në qarkun e Shkodrës, 7 në qarkun e Korçës dhe 3 të tjera në Fier.

Tre adoleshentë në Shkodër janë arrestuar për më shumë se 53 vjedhje të kryera gjatë vitit 2022 dhe gjatë muajit janar të këtij viti.

Dy të rinjtë nga Bushati kanë kërcënuar me jetë efektivët e policisë gjatë operacionit për arrestimin e tyre. Ata u vunë në ndjekje pasi dogjën një magazinë. Gjithçka duket se është bërë për hakmarrje, pasi pak ditë më parë u arrestua vëllai i njërit prej personave që kërcënoi me jetë policët. 

Dy të rinj në Shkodër janë vënë në pranga nga policia pasi janë kapur duke transportuar 5 emigrantë të paligjshëm drejt Malit të Zi me qëllim kalimin drejt vendeve të Bashkimit Europian.

Tre të rinj kanë rënë në pranga në Shkodër pasi kërcënuan me armë një person. Për motive të dobëta, A. P, 19 vjeç, Andrea Cara, 21 vjeç dhe Erjon Uka, 21 vjeç ishin duke kërcënuar një person, por policia ka ndërhyrë dhe ka bërë të mundur arrestimin e tyre.

Qarku i Shkodrës është përfshirë nga moti i acartë e me reshje dëbore. Temperaturat kanë arritur deri në -21 gradë Celcius në Qafë Thore, -18 në Vermosh dhe deri në -12 gradë në aksin e Fierzës

Temperaturat nën zero gradë kanë prekur të gjithë vendin duke shkaktuar ngrica në rrugë. Në qarkun e  Korçës vazhdojnë temperaturat e ulëta nga -6 gradë deri në -12 gradë. Autoritetet rrugore rekomandojnë përdorimin e gomave dimërore dhe kujdes në udhëtime.