Duke filluar nga dita e sotme (21 dhjetor) do të nisë shpërndarja e shpërblimeve për pensionistët prej 5 mijë lekësh me rastin e festave të fundvitit.

Një aksident rrugor është regjistruar këtë të diel në aksin Shkodër- Koplik, ku një makinë ka dalë nga rruga e për pasojë ka mbetur i plagosur një person.

Dy javë pas ekzekutimit të punonjësit të FNSH-së Shkodër Xhulio Prela, policia ka arrestuar një prej autorëve të dyshuar të kësaj ngjarje. Autoritetet kanë arrestuar 26-vjeçarin Nikoll Shernikun pasditen e djeshme (19 dhjetor)  ku u bë dhe ekzekutimi i masës së sigurisë arrest me burg  të dhënë nga gjykata e Lezhës në mungesë.

Shkodranët kanë protestuar ditën e sotme duke kërkuar shkarkimin e Drejtorit të Përgjithshëm të Policisë së Shtetit, Ardi Veliu pas vrasjes së Klodjan Rashës dhe kanë akuzuar qeverinë se po detyron të rinjtë të largohen nga vendi. Ndryshe nga protesta e një jave më parë, qytetarët kanë zhvilluar një marshim paqësor nga sheshi "Luigj Gurakuqi", tek pedonalja e qyteti dhe më pas Prefektura.

I pakënaqur nga rezultatet e protestës në Tiranë dhe qytetet e tjera të vendit, duke parë se ajo po shkon drejt shuarjes, Lulzim Basha ka menduar të përdorë sërish Shkodrën, si shpresa e fundit për të krijuar trazira. Qarqe të afërta me PD-në në këtë qytet kanë paralajmëruar një tjetër protestë këtë të shtunë më 19 dhjetor.

Në një deklaratë për mediat pas dhunës së ushtruar ditën e djeshme në Shkodër, kryebashkiakja Voltana Ademi deklaroi se nuk ka qenë organizatore as ajo e as PD teksa hodhi sërish akuza ndaj policisë së Shtetit për mosreagim të denjë ndaj protestuesve.

Përsa i përket protestës së dhunshme ditën e djeshme në Shkodër, policia ka vendosur nën hetim kryebashkiaken Voltana Ademi për akuzën e organizimit të tubimeve të paligjshme. Gjithashtu nën hetim janë vendosur dhe 45 persona të tjerë, mes tyre 17 minorenë. Policia ka proceduar dhe 2 punonjës zjarrëfikëse për shpërdorim detyre pasi kanë reaguar me vonesë ndaj një thirrje për ndërhyrjen dhe shuarjen e flakëve pranë selisë së PS-së.

Selia e PS-së në Shkodër është riparuar pas dëmtimeve të shkaktuara nga protestat që përfshinë qytetin ditën e djeshme. Drejtuesi politik i PS-së në këtë qytet përmes një postimi në Facebook shkruan se simpatizantët socialistë shkodranë janë të indinjuar nga ky akt.