Pas Sali Berisha edhe kreu i Partisë së Lirisë, Ilir Meta ka ngritur akuza në drejtim të qeverisë për portin e Durrësit. Sipas tij, kjo është një aferë korruptive.

Pas nënshkrimit të marrëveshjes për realizimin e projektit për ndërtimin Portit turistik të Durrësit, Sali Berisha ka mbajtur një konferencë për media duke pretenduar se janë faluar 1.5 milion metra katror tokë në Durrës. Sipas Berishës, po bëhet një aferë korruptive dhe po dhunohen të gjitha ligjet e vendit për t’u ndërtuar porti turistik nga kompania.

Një 48-vjeçar ka rënë në pranga për shkak se ka hequr flamurin turk nga kulla e vrojtimit në Durrës. 48-vjeçari, Shpetim Sefa kishte postuar në rrjetin e tij social videon ku dukej teksa ka hipur në kullën e rojës në plazhin e Gjirit të Lalzit, ka hequr flamurin dhe më pas e ka hedhur në det.

SPAK ka shpallur mos kompetencë për dosjen e kokainës së kompanisë Alba exotic Fruits, duke e deleguar atë në Prokurorinë e Durrësit. Kompanisë i janë kapur 6 herë drogë në Portin e Durrësit. Sipas SPAK nuk ka prova për grup të strukturuar kriminal.

Pas rreth 48 orësh, është arrestuar gjatë mesnatës, Klodan Keqi, autori i dyshuar për vrasjen që ndodhi dy ditë më parë në Fushë Krujë. Keqi, 40 vjeç, ka rënë në prangat e policisë në Konispol, ndërsa po tentonte të arratisej drejt Greqisë. 

Një 29-vjeçare ka humbur jetën si pasojë e rënies në kontakt me rrymën elektrike.

Në një takim me strukturat e Partisë së Lirisë në Durrës, Ilir Meta u ndal te Porti i qytetit btregdetar duke thënë se është aferë korruptive pasi nuk përfiton asnjë sipërmarrës i ndershëm si dhe thekson se nuk sjell asnjë ndikim në ekonomi. Ndër të tjera, u shpreh se Durrësi është nën presionin e mafies dhe me ironi thotë se të gjithë janë dëshmitarë të importit të suksesshëm të bananeve.

Një 31-vjeçare në Durrës është larguar nga shtëpia para një muaji, duke humbur kontaktet me familjarët.

Një aksident ka shkaktuar radhë të gjatë trafiku prej 10 kilometrash pasditen e kësaj të mërkure në autostradën Durrës-Tiranë. Aksidenti mendohet të jetë bërë pranë Vorës, ndërsa trafiku nis që në Sukth të Durrësit.