4 persona janë vënë nën hetim nga policia në Berat pasi akuzohen për lojëra fati online. Policia njofton se ka goditur 2 raste të ndryshme.

Ish-kryeministri Berisha ka lavdëruar këtë mbrëmje Fatos Nanon. Ai theksoi se Nano njihet për meritat që reformoi Partinë Socialiste dhe vendosi institucionin e votës, ndërsa akuzoi Ramën se i ka shkatërruar këto reforma. Ish-kryeministri edhe njëherë i ka bërë thirrje kryesisë së PD të japin dorëheqjen. Berisha deklaroi se anëtarët e Kryesisë së PD, 60% e tyre të emëruar nga Lulzim Basha, nuk përfaqësojnë demokratët, pasi nuk janë të votuar. Sakaq, ai deklaroi se me Edi Ramën votë të lirë nuk ka, ndaj të përgatitemi për stinën e protestave të mëdha.

Është arrestuar sot një shtetas kosovar në pikën kufitare të Morinës,pasi ishte shpallur në kërkim nga policia e Beratit prej rreth 2-javësh për "marrëdhënie seksuale me të mitur". Shtetasi 45-vjeç B.K, nga Prizreni akuzohet nga nipi i tij 8-vjeç se e ka përdhunuar.

Një aksident i rëndë është regjistruar mesdrekwn e sotme në lagjen "Çelepias" në Berat, në vendin e quajtur rreth-rrotullimi i Ypsilonit.

Policia ka nisur hetime ndaj një mjeke gjinekologe në Spitalin Rajonal të Beratit, pasi rezultoi se gjatë kryerjes së vizitave dhe operacioneve të lindjes, merrte vlera monetare nga familjarët e shtetaseve që i nënshtroheshin operacionit për të kryer lindjen.

Një virozë ngjitëse që prek fëmijët është përhapur masivisht në qytetin e Beratit. Sëmundja e quajtur “Gojë, Këmbë, Dorë” për shkak të shenjave që shfaqen në këta gjymtyrë shoqërohet edhe me temperaturë. Mjekët apelojnë që prindërit të mos i dërgojnë fëmijët në çerdhe e kopshte kur dallojnë simptomat e virozës.

Punimet që kanë filluar prej muajsh në Berat për ndërtimin e Bypass-it të qytetit janë ndërprerë pasditen e sotme për shkak se gjatë gërmimeve të kryera në lagjen muzeale "Goricë" ka dalë ujë dhe është zbuluar një gjysmë-hark i gdhendur me gurë, ku sipas arkeologëve daton rreth 100 vite më parë.

Në kuadër të Ditës Botërore të përkujtimit të viktimave nga Trafiku Rrugor, Policia ka zhvilluar një aktivitet sensibilizues për shoferët dhe këmbësorët ku iu bën apel që të respektojnë rregullat e qarkullimit rrugor për të shpëtuar jetë. Ky aktivitet vjen edhe në një kohë kur rastet e aksidenteve tragjike me pasojë vdekjen mbeten të larta në vendin tonë.

Kamerat kurth,të instaluara nga Agjensia e Zonave të Mbrojtura në Berat në të gjithë Habitatin e Tomorrit kanë filmuar dhe fotografuar kafshët e egra,që si banorët e pyllit bëjnë "paradë",madje disa prej tyre edhe pozojnë pa vetëdije përpara kamerave