34 persona u arrestuan nga 44 urdhër arreste të SPAK që kishte nisur hetime 3 vjet më parë për pesë grupe kriminale të trafikut të drogës në vendin tonë. Operacioni u shtri në disa qytete të vendit, dhe  në pranga përfunduan edhe dy efektivë policie në Tepelenë e Gjirokastër

Prej 3 ditësh, Llogaraja e Vlorës ofron pamje mahnitëse, duke u veshur me petkun e bardhë, që zbukurohet edhe më shumë me diellin "tekananjoz", që herë del dhe herë largohet.

Llogaraja sot “vishet” me ngjyrën e ftohtë dhe të bardhë të natyrës.

Gjykata e Vlorës ka lënë në burg Anesti Rrapaj, 40-vjeçarin i cili u arrestua pak ditë më parë në 'shtëpinë e barit' që u zbulua në Vlorë. Gjykata e Vlorë ka caktuar masën e sigurisë 'arrest me burg'

7 është numri i personave të shoqëruar për atentatin ndaj 33-vjeçarit Romeo Meçaj, një ditë më parë në Vlorë, pranë stadiumit. Burime për Report Tv bëjnë me dije se personat kanë qenë dëshmitare në lokalin afër ku ka ndodhu ngjarja.

Një person ka mbetur i plagosur mbrëmjen e sotme në Vlorë, pasi iu bë një atentat. Bëhet me dije se i plagosur ka mbetur Romeo Meçaj, teksa ngjarja u regjistrua pranë stadiumit. Policia ka gjetur një automjet të djegur në zonën e 'Ujit të Ftohtë', që i përkiste autorëve. Dyshohet se automjeti i përdorur në atentat, ishte vjedhur.

Një ditë më parë, brenda shtëpisë së Barit policia sekuestroi 330 bimë kanabisi dhe pajisje që shërbenin për rritjen e drogës. Report Tv ka siguruar edhe pamje nga brenda shtëpisë së barit, ku duken llambat, sistemi i ndriçimit, ventilatorët dhe plehu që shërbente për vendosjen në kubikë të kanabisit.

Vjedhja e energjisë elektrike ka çuar në zbulimin e një 'shtëpie bari' në lagjen 'Kushtrimi' në Vlorë, ndërsa u vu në pranga një person. Është arrestuar Anest Rrapaj 40 vjeç, i cili kishte përshtatur banesën që kishte marrë në përdorim për kultivimin e kanabisit.

Policia e Vlorës ka vënë pranga një 21-vjeçar, pasi u kap me 7 kilogramë e 500 gramë kanabis.

Gjykata e Vlorës ka lënë në burg Shazi Ahmetajn dhe Mateo Kiptiun për vrasjen e Altin Alikaj në banesën e tij në Vlorë. Shazi Ahmetaj, 23 vjeç banues në Kolonjë, akuzohet si vrasësi i 46-vjeçarit, ndërsa Mateo Kiptiu akuzohet se e ndihmoi autorin për t’u fshehur, duke i siguruar një mjet të marrë me qira për lëvizjen e tij.

Report Tv ka siguruar foton e autorit të dyshuar për vrasjen e Altin Alikaj në lagjen 24 maji të qytetit të Vlorës. Autori Shazi Ahmetaj me origjinë nga Kolonja e Lushnjës u arrestua edhe shoku i tij Mario Kipkiu që dyshohet se ndihmoi të largohej. Ahmetaj nuk e ka pranuar krimin, por ka pranuar se e njihte viktimën dhe kishte shoqëri e qëndronte me të.

Në 3 qytete të ndryshme të vendit, në Vlorë, Elbasan dhe Berat raportohet se forca të shumta policie kanë ushtruar kontrolle dhe kanë ngritur postblloqe në zona të ndryshme.