Nëna dhe babai u ndanë kur ai ishte ende foshnje. Pas divorcit të prindërve 3 vëllezërit e familjes Markati nga Shkodra përfunduan në jetimore. 19-vjecari shkodran Ardias Markati vjen të rrëfejë historinë e jetës dhe kërkon të gjej babain e tij biologjik. I rritur në institucion i ka munguar ndër vite figura atërore, por edhe ngrohtësia e nënës. Ajo la Ardiasin 5-vjecar në shtëpinë e fëmijës Shkodër, ndërsa dy djemtë e tjerë 8 dhe 10-vjeçarë në shtëpinë e fëmijës Tiranë. Samije Gërbeti pati kontakte të rralla me fëmijët, me të cilët u thellua një hendek mes tyre që nuk do të zhbëhej kurrë. Pasi u nda nga bashkëshorti Ardian Markati nga Malësia e Madhe, Samije Gërbeti nuk u martua më kurrë. Ata patën probleme të vazhdueshme mes tyre, për shkak edhe të kushteve ekonomike. Ndarja ndikoi jo pak tek tre djemtë të cilët u ndanë edhe nga njëri-tjetri. Edhe pse është nënë e tre fëmijëve ajo sot jeton e vetem në qytetin e Durrësit. Ardjasi, i cili ka vendosur të rrëfyejë këtë histori të dhimbshme të jetës së tij, kërkon të dijë ku ndodhet babai, për të cilin nëna nuk i dha kurrë një adresë. Takimi i fundit me nënën e tij ka qenë në vitin 2021 kohë pas së cilës as nuk ka folur dhe as nuk janë takuar. Ajo nuk i fali dashurinë e munguar dhe marrëdhenia mes tyre u bë gjithnjë e më e ftohtë. Sot Ardjas jeton në banesat sociale në zonën e Shkozës në Kryeqytet ku edhe është munduar ti bëj ballë jetës edhe pse është shumë i ri. Ai është në kërkim të babit të tij Ardian Markati, ndaj i drejtohet me një apel për ndihmë emisionit ’Pa Gjurmë’.