Me ekspertin e mjekësisë holistike Altin Joka, flasim për tërshërën, e cila është bërë shumë popullore kohët e fundit, deri në trend për mëngjeset tona. Po çfarë është realisht kjo drithër dhe pse konsiderohet e shëndetshme? A është e vërtetë që tërshëra ndihmon për të rënë nga pesha, a ndihmon për sistemin nervor dhe për të përmirësuar humorin? Disa thonë se tërshëra shkakton fryrje dhe probleme me stomakun, a është e vërtetë? Ka edhe një tjetër mit, që tërshëra ka gluten dhe nuk mund të konsumohet nga ata me intolerancë ndaj tij, si qëndron e vërteta? Në treg kemi disa lloje tërshëre, cila është diferenca midis tërshërës së plotë, tërshërës së copëtuar dhe asaj të imtë? A është më mirë tërshërë e zier apo e njomur gjatë natës dhe a ka ndonjë dallim në vlera ushqyese? Ka ndonjë grup personash që duhet të shmangin tërshërën ose të kenë kujdes me të? Është tërshëra një ushqim i mirë për fëmijët dhe të moshuarit? Çfarë ndikimi ka ajo te zemra dhe niveli i kolesterolit, a ka studime konkrete për këtë? Përgjigjet e të gjitha këtyre pyetjeve, por jo vetëm, i marrim në studion e “Rreze Dielli” nga nutricionisti i njohur Altin Joka.
