Kjo është Eranda Çuçka, 32-vjeçarja nga fshati Orman, Pojan i Korçës. Një tjetër grua e dhunuar, e cila i drejtohet emisionit ’Pa Gjurmë’. E vetme me dy vajzat e mitura jeta për ta kaluar në shumë episode dhune dhe makthi.Kushtet e vështira ekonomike, mes një varfërie ekstreme përballen çdo ditë e më shumë me mungesën e një dashurie që u mungoi që prej fillimit. Eranda dhe Denisi edhe pse prindër të dy vajzave 3 dhe 4 vjeçe nuk mundën dot të shuanin konfliktet mes tyre. Teksa kujton plot trishtim ditët dhe netët e vështira me një burrë që e dhunonte vazhdimisht Erandës i kujtohet mjaft mirë hera e parë kur bashkëshorti i saj, Denis Maloku vuri dorë mbi të. I papunë dhe në kushte të vështira, një baba që nuk u siguronte dot bukën e përditshme u bë edhe dhunues në familje. Ndërsa e shoqja I ërkonte vazhdimisht të punonte, pasi ishte ajo që mbante gjallë katër frymë dke mbledhur bimë medicinale, burri e dhunon. Ishte viti 2020 kur ai goditi 32-vjeçaren dhe menjëherë kjo e fundit bën denoncim në polici. Denis Maloku përfundoi pas hekurave, ndërsa u dënua me një vit heqje lirie. Pas kësaj Eranda u pajis me urdhër mbrojtjeje për 15 ditë. Pasi kryefamiljari ndodhej në burg, nënës së dy vajzave i duhej që të përballonte e vetme vështirësitë e jetës. Paratë që siguronte nga shitja e bimëve medicinale nuk ishin të mjaftueshme. Një vit më pas në nëntor të 2021 me daljen nga burgu të bashkëshortit situata u bë edhe më problematike. I diagnostikuar edhe me epilepsi gjendja e tij përkeqësohet. Ai jo vetëm nuk ishte krah për familjen, por kishte nevojë edhe më shumë për përkujdesjen e tyre. E keqardhur për gjithcka i ka ndodhur në jetë, në këto 6 vite martesë Eranda është në ekstremet e mbijetesës. Ajo për të cilën mendon edhe më shumë është mungesa e kushteve për rritjen e dy vajzave të mitur. Janë ato që nuk e kuptojnë makthin e ditëve të nënës që fshin lotët sa herë ato vrapojnë furishëm në drejtim të saj, për t’i rrëmbyer dashuri. E gjendur në këto kushte, pa asnjë rrugëdalje, në luftë për mbijetesë 32-vjeçarja bën apel për ndihm