U dashurua dhe mbeti shtatzënë pas një lidhje të shkurtër, 70-vjeçarja nga Berati sot është në kërkim të atij që e bëri për herë të parë nënë. Ishte një 21-vjeçare asokohe kur u dashurua me një djalë nga Ura Vajgurore, një lidhje që nuk zgjati shumë. Ishte aq e shkurtër sa Miranda nuk mundi t’i mësojë as mbiemrin, ndërsa kujton vetëm emrin e tij Spiro i cili ishte 4 vite më i madh dhe punonte tek Iish- SMT-ja në Urën Vajgurore. Nga kjo lidhje Miranda mbeti shtatzënë ndërsa pasi partneri i saj mësoi lajmin, e braktisi duke mos u interesuar më për to. Miranda vendosi ta mbajë djalin ndërsa shtatzëninë e fshehu nga familja për shkak të frikës. Ajo e solli djalin e vetme në një fshat të largët të Beratit ku e vetmja që e vizitoi ishte nëna e saj. Miranda Sula vazhdoi jetën e saj me djalin i cili pasi u rrit shpesh e pyeste për të atin, ndërsa ky I fundit e ka parë dy herë rastësisht të birin por është larguar menjëherë. 70-vjeçarja i përkushtoi gjithë jetën e saj rritjes së djalit ndërsa nuk mendoi kurrë të krijonte një familje të re. Sot 49 vite pas ajo vjen në Pa Gjurmë për të t’I përcjellë një mesazh babait të djalit, me shpresën se do e dëgjojë pasi I biri prej vitesh e kërkon.