Sot do të flasim për një nga thesaret më të çmuara të natyrës dhe të traditës sonë ushqimore: ullirin. Një bimë që e kemi pranë prej shekujsh, por për të cilën ndoshta ende nuk dimë gjithçka. Sa dimë vërtet për vajin e ullirit, ullinjtë dhe madje edhe gjethet e ullirit? Cilat janë vlerat e tyre ushqyese dhe çfarë thotë shkenca për ndikimin e tyre në shëndetin e zemrës, tensionin e gjakut dhe diabetin? Po ullinjtë e zinj dhe të gjelbër – a kanë vërtet efekte të dobishme për organizmin dhe ku qëndrojnë ndryshimet mes tyre? Dhe një pjesë që shpesh mbetet në hije: gjethet e ullirit. Si mund të përdoren dhe çfarë potenciali kanë për shëndetin? Për t’i parë këto tema përtej miteve dhe besimeve popullore, por edhe për të kuptuar më mirë vlerat që mund të na ofrojë kjo bimë e jashtëzakonshme, flasim sot në “Rreze Dielli” me nutricionistin Altin Joka, ekspert i mjekësisë holistike.