Ekskluzive/ Flet i humburi nga Londra: S’di si jam këtu, kërkoj nënë e babe

28 Nëntor 2022, 19:50

Shkak për këtë histori u bë një foto e shkrepur nga një emigrante shqiptare në zonën Wood Green në Londër, foto e cila vuri në lëvizje stafin e emisionit “Pa Gjurmë” për të gjetur identitetin e të riut shqiptar. I riu, i cili nuk është në gjendje të kujtojë të shkuarën e tij e rrjedhimisht edhe nga vjen, bën jetën e një endacaku. Pas imazhit që u shfaq në ’Pa Gjurmë’ , menjëherë në redaksinë e programit mbërriti një lumë telefonatash live, duke ngritur dyshimet se bëhej fjalë për të riun Afrim Verçe, 44-vjeçari nga Berati i cili ka humbur kontaktet me familjen më 2 nëntor 2017. Në lëvizje u vunë edhe emigrant të shumtë në Londër, të cilët u angazhuan për të zbuluar identitetin e vërtetë të të riut. Ata e intervistuan djalin me mjekër, i cili pohonte se nëna e tij quhej Fatmira, dhe se ëhtë nga Tirana. Video u transmetua punatën e kësaj të hënë në emisionin ’Pa Gjurmë’. Gazetarja Odeta Dume u lidh live nga Londra me një nga emigrantët që është angazhuar për rastin në fjalë. Thirrja që bëhet nga të gjithë është të gjendet familja të riut, për ta kthyer atë në atdhe.

Programe të tjera

    Nuk u gjeten video për këtë program!

Shiko të gjitha