Zonja Albana solli tre sugjerime recetash plot shije në “Rreze Dielli”. Recetat e përzgjedhura për ditën e sotme ishin: Cheesecake me luleshtrydhe / Hirrëtor me miell misri / Çorvë e Çamërisë.  

Me nutricionistin Altin Joka flasim për detoksifikimin e trupit, llojet, cilat janë shenjat për të kuptuar nëse kemi vërtetë nevojë për detoks dhe mënyrat më të efektshme për të eleminuar toksinat nga organet…

Po çfarë është detoksifikimi i trupit, përse kryhet, cila është baza shkencore për pretendimin e detoksifikimit të trupit? Kush ka nevojë për detoks, disa shenja paralajmëruese që trupi na jep? Cilat janë substancat apo toksinat kryesore që trupi pretendon të largojë përmes detoksifikimit, si identifikohen ato dhe cili është ndikimi i tyre në shëndetin tonë? A ka faza për detoksifikim, dhe sa kohë i nevojitet një organi për t’u detoksifikuar? Gjatë këtij procesi çfarë duhet të eleminojmë? Përgjigjet e të gjitha këtyre pyetjeve i marrim në studion e “Rreze Dielli” nga nutricionisti Altin Joka, i cili rekomandoi 7 lloje detoksi për pastrimin e mëlçisë, 5 lloje dekoksi për trurin, 4 detokse për eleminimin e parazitëve si dhe detoks për pastrimin e zorrëve.