Një marrëdhënie dashurie me djalin që nuk ia prezantoi kurrë familjes, u bë molla e shërrit që 27-vjeçarja Anxhela Hoxha të humbte gjurmët 7 vite më parë. Vajza nga Berati vë në dijeni nënën se Tori ishte djali nga njëjti qytet, me të cilin ajo kishte vendosur të largohej drejt Italisë. Refuzimi kategorik i të ëmës bëri që Anxhela asokohe një 18-vjeçare të ikte nga banesa për herë të parë në vitin 2013. Cudia në këtë histori ishte se pak para se Anxhela të zhdukej denoncon nënën e saj për dhunë në familje. Me largimin e së bijës, të shqetësuar për fatin e saj familjarët denoncojnë humbjen aty ku mësojnë edhe për akuzën që e bija tashmë e zhdukur kishte ngritur ndaj tyre. Për dy vite më radhë nuk u mësua asgjë për fatin e Anxhelës deri kur krej papritur në fillim të dhjetorit të vitit 2015 ajo shfaqety në derën e shtëpisë. Të shtangur, por edhe të lumtur njëkohësisht për familjarët kjo ishte një situatë e pazakontë. Vetëm dy ditë zgjati gëzimi, kur ende pa u çmallur mirë Anxhela largohet me pretendimin se duhej të mbaronte disa punë në qytet. Ajo u kishte pohuar prindërve se jetonte në Itali dhe se punonte si kamariere atje, por pa u dhënë të tjera detaje për personin apo njerëzit me të cilët ajo kishte të bënte. Vajza nga fshati Mbreshtan i Beratit, largohet për herë të dytë më 10 dhjetor 2015 dhe që nga ai moment nuk u kthye më. Fëmija i parë në familjen Hoxha, Anxhela është motra e një vëllai, të cilit i mungon shumë. Merita dhe Fatbardhi janë dy prindër zemërthyer që kërkojnë ndihmën e emisionit 'Pa Gjurmë' për të gjetur vajzën e humbur.