BROKOLI SUFLE

500 gr brokoli

3 kokrra vezë

250 gr mocarela

1 lugë gjalpë

Spec i kuq pluhur

Kripë, piper i zi

Pasi e kemi larë brokolin e ndajmë në lule të vogla, ndërsa kërcellin e presim në kubikë të vegjël. Në një tenxhere me ujë të ngrohtë vendosim brokolin dhe pak kripë.

Rrahim vezët me pak kripë dhe piper.

Lyejmë një tavë me pak gjalpë, vendosim brokolin, vezët e rrahura dhe djathin mocarela. E spërkasim sipërfaqen me piper të kuq pluhur dhe majdanoz të grirë imët. E vendosim tavën në furrë në temperaturën 180 gradë për 20 minuta.

TOSTI FRANCEZ (FRENCH TOAST)

4 feta bukë tosti

1 vezë

¼ filxhan çaji qumësht

1 lgj sheqer ose mjaltë

Pak kripë

Kanellë pluhur

Gjalpë

 

Për servirje:

Fruta pylli

Mjaltë

Sheqer pluhur

Vezën e rrahim me qumësht duke i shtuar kanellën pluhur, sheqerin dhe pak kripë. Marrim fetat e bukës dhe i lyejmë me masën e përgatitur.

Në një tigan kemi shkrirë pak gjalpë dhe vendosim fetat e bukës të skuqen. Sipër bukës vendosim fruta pylli, pak mjaltë dhe sheqer pluhur.