Gatime nga zonja Albana, Embëlsirë me gjalp dhe biskota/ Trahana me qepë të kaurdisur

7 Tetor 2021, 10:51 | Përditesimi i fundit: 2021-10-07 10:56:21

Ëmbëlsirë me gjalp dhe biskota

Përbërësit:

Për bazën:

400 gr biskota

150 gr gjalpë

Për kremin:

600 gr krem djathi

250 gr qumësht të kondensuar

4 lgj kos të trashë

Vanilje lëng

Fruta pylli

Përgatitja

Biskotat i grijmë në blender së bashku me gjalpin e temperaturës së ambjentit. I vendosim biskotat me gjalpë në një tavë si një shtresë duke e niveluar mirë. E vendosim tavën në frogorifer.

Rrahim qumështin e kondensuar me kremin e djathit, kosin dhe vaniljen dhe kremin e përgatitur e vendosim mbi shtresën me biskota. E nivelojmë mirë me një spatull dhe e vendosim përsëri në frigorifer.

Në fund, para servirjes, e dekorojmë me fruta pylli.

Trahana me qepë të kaurdisur

Përbërësit:

80 gr trahana

400 ml ujë

1 qepë

Vaj ulliri

Kripë, piper

Spec i kuq

Djathë

Përgatitja:

Kaurdisim qepën me vaj ulliri derisa të zverdhet. Më pas shtojmë ujë që të zbutet.

Trahananë e kemi lenë të zbutet për 1 orë në ujë. E përziejmë me qepën dhe e lemë të vlohet pasi kemi shtuar kripën, piperin dhe specin e kuq.

Presim bukën në kubikë (mirë është që buka të jetë pak e ndenjur ) e shtojmë në trahana së bashku me djathin e thërrmuar  dhe e servirim të ngrohtë.