Kofshë derri role në salcë mjalti

Përbërësit:

1-2 kg kofshë derri

 50 ml vaj ulliri

 4 lgj gjalpë

 8 thelpinj hudhër

 100 gr mustardë

 kripë, piper

 rozmarinë, trumzë

Për salcën:

250 gr sheqer kaf

 250 gr mjaltë

 1 lgj erëza miks

Përgatitja:

Fillimisht ngrohim furrën në 180 gradë. E spërkasim mirë mishin me kripë dhe e lyejm me vaj ulliri. Në një tigan vendosim rolen që të marrë ngjyrë nga të gjitha anët. Vendosim në tryezen e punës një letër alumini dhe sipër letrës së aluminit vendosim një letër pjekje. Vendosim një shtrat me bimë aromatike (trumzë, rozmarinë) dhe rolen e tiganisur.

Në të njëjtin tigan ku përgatitem rolen e mishit vendosim thelpinjtë e hudhrës së bashku me gjalpin. I kaurdisim për 1 minutë dhe të gjithë masën e hedhim mbi rolen. E mbështjellim me letrën e pjekjes si karamele dhe e vendosim në furrë në zgarë qe të mos ngjitet. E pjekim për 2 orë e 30 minuta.

Sa mishi të piqet ngadalë përgatisim salcën shoqëruese. Vendosim në një tenxhere të vogël sheqerin kafë, mjaltin dhe erëzat. I trazojmë derisa sheqeri të shkrijë. Pasi të kenë kaluar rreth 2 orë nga pjekja e mishit, e nxjerrim nga furra, hapim letrën e pjekjes dhe e lyejmë mishin mirë me mustardë pikante dhe në fund shtojmë salcën e karamelizuar duke e vendosur pjesë- pjesë (cdo 5 minuta). E vendosim rolen përsëri në furrë dhe për 30 minuta të tjera.