MINI PIZZA ME QOFTE
Përbërësit
330 gr miell
200 ml qumësht
2 lgj vaj ulliri
½ lugë kafeje kripë
pak sheqer
maja birre
400 gr mish i grirë
2 qepë
kripë
piper i zi
piper i kuq
Përgatitja:
Hedhim tek qumështi kripën, sheqerin, vajin dhe majanë e birrës. E trazojmë mirë dhe më pas shtojmë miellin gradualisht. E punojmë brumin dhe e lemë të vijë për 30 minuta.
Tek mishi i grirë shtojmë qepën, kripën, piperin e zi dhe piperin e kuq. E punojmë brumin e qofteve dhe e vendosim në frigorifer për rreth 30 minuta.
Më pas marrim brumin dhe e ndajmë në toptha të vegjël. I vendosim në një tepsi dhe i lemë sërish të pushojnë. Pas pak secilës ndarje i bejme nga një gropë të vogël në mes ku vendosim nga një qofte. Rrahim një vezë dhe lyejme me furçë mini pizat e krijuara. I spërkasim në fund me djathë kaçkavall të grirë dhe i vendosim në furrë në temperaturën 180 gradë për 30 minuta.
SUPË PULE
Përbërësit:
gjoks pule
karrotë
selino
qepë
miell
qumësht
gjalpë
kripë
piper i zi
piper i kuq
Përgatitja:
Fillimisht ziejmë pulën së bashku me perimet. Më pas lëngun e përftuar e kullojmë.
Në një tenxhere kaurdisim gjalpin me miellin për të krijuar beshamelin. Shtojmë buljonin (e përftuar nga pula dhe perimet) si dhe gjoksin e pulës të cilin e kemi bërë fije fije. Hedhim dhe pak qumësht dhe e lemë supën të marrë valë.
Aromatizojmë pak vajin e ullirit me piper të kuq dhe e shtojmë tek supa në momentin që e servirim.
SALLATË ME PATATE DHE LAKËR TË KUQE
Përgatitja:
3 patate të mëdha
½ lakër të kuqe
1 karrotë
1 tufë majdanoz
2 qepë të njoma
1 limon (lëngu)
1 lgj mustardë
2-3 lgj vaj ulliri
kripë
piper i zi
piper i kuq
Përbërësit:
Ziejmë patatet në ujë të vluar me kripë. I lemë patatet të ftohen dhe më pas i presim në kubikë dhe i vendosim në një sallatiere ku shtojmë qepët e njoma të prera në rondele, lakrën e kuqe të prerë mesatarisht, karrotën dhe majdnozin e freskët.
Trazojmë në një enë vajin e ullirit me mustardë, lëng limoni, kripë, piper të zi dhe piper të kuq dhe marinojmë sallatën.
