Supë me mish pule, spinaq, kos dhe vezë
Përbërësit:
Mish pule
1 kokërr qepë
1 lgj gjalpë
1 lgj vaj ulliri
1 filxhan me spinaq (kryesisht pjesa e kërcellit)
200 gr kos të trashë
2 lugë miell
1 vezë
Kripë, piper i zi, piper i kuq
Përgatitja:
Fillimisht kaurdisim qepën e grirë imët me 1 lugë gjalpë, më pas shtojmë mishin e pulës të prerë në copëza. E kaurdisim për 1 minutë, shtojmë ujë në masë të përbërësve dhe e lemë mishin të ziejë ngadalë në temperaturë mesatare.
Ndërkohë në një tigan skuqim për pak minuta pjesën e kërcenjve të spinaqit. I spërkasim me pak piper të kuq dhe i shtojmë tek mishi. Rrahim vezën me kosin dhe miellin dhe e shtojmë në tenxhere. Rregullojmë në fund shijen me kripë dhe piper të zi dhe e servirim supën të ngrohtë.