TAVË ME LULELAKËR DHE PERIME

Përbërësit

1.5 kg lulelakër

1.5 litra ujë

2 lgj qumësht

3 vezë

3 lgj miell

4 lgj vaj ulliri

4-5 kërpudha

2 speca të kuq

3-4 speca jeshil

1 karrotë

1 qepë

2 domate

1 lç kripë

1 lç mente

1 lç piper i zi

1 lç piper i kuq

150 gr djathë kaçkavall

Përgatitja

Fillimisht lajmë dhe ndajmë lulelakrën në bohçe. Në një tenxhere shtojmë ujë të ngrohtë, kripë dhe 2 lugë qumësht dhe e lemë lulelakrën të ziejë për 8-10 minuta. Më pas e kullojmë dhe e vendosim në një tas ku shtojmë miellin dhe vezët duke i shtypur me mikser dore derisa lulelakra të marrë formën e një pureje.

Presim kërpudhat, specat, qepën dhe domatet në kubikë të vegjël. Në një tigan me vaj ulliri kaurdisim të gjitha perimet, përveç domateve të cilat i shtojmë pak më vonë. Rregullojmë shijen me kripë, piper të zi, piper të kuq dhe mente.

Lyejmë një tavë me pak vaj dhe vendosim purenë e lulelakrës, të cilën e nivelojmë mirë. Mbi purenë vendosim perimet e kaurdisura. E spërkasim sipërfaqen me djathë kaçkavall të grirë në rende dhe e vendosim tavën në furrën e paragrohur në temperaturën 180 gradë Celsius për 20 minuta.