Gruaja dhunon e dëbon burrin nga banesa,motra:Vëllai kishte humbur,nusja gënjeu

25 Janar, 18:12

Luan Mançe, 50-vjeçari rezulton i humbur prej 6 muajsh. Babai i dy djemve doli nga shtëpia në fshatin Mazhan të Përmetit gushtin e vitit 2021 në rrethana të paqarta dhe nuk u kthye më. E ftuar në studion e emisionit ’Pa Gjurmë’ në Report Tv Refide Paja, motra e 50-vjeçarit ndërsa bën apel për ndihmë rrëfen sesi vëllai me çrregullime psikologjik është keqtrajtuar nga bashkëshortja dhe dy djemtë e rritur. Sipas saj, kjo është arsyeja që për 50-vjeçarin ishte hera e disatë që largohej nga banesa. Lindita Mance bashkëshortja e Luanit e denoncoi në shtator të 2021, dy muaj pasi ai kishte humbur. Kunata hedh dyshimet se e shoqja ka gisht në zhdukjen e të vëllait, pasi e kishte mbajtur të fshehur për disa muaj largimin e tij nga banesa. ’Vëllai na ka thënë se është dhunuar shumë herë nga bashkëshortja e tij dhe dy djemtë që i ka të rritur. Kjo dhunë ka nodhur edhe para syve të nënëns, e cila jeton në familjen e Luanit. Ne nuk kishim marrëdhënie me familjen e vëllait, pasi ata nuk e trajtonin mirë. Bashkëhsortja nuk e mirëmbante sic duhej, pasi vëllai ka patur probleme psikologjike pasi është dhunuar kur ka qenë ushtar në Sarandë. Ka ndodhur nje herë kur vëllai është dëbuar një herë nga banesa prej bashkëshortes, e cila kishte nxjerrë jashtë nga shtëpia, në prani të nënës. Luani ka dy djem 20 dhe 21 vjec, unë nuk e di nëse ata e kërkojnë. Një vit më parë ishte operuar. Nuk e di sesi ka humbur në cfarë rrethanash, pasi unë e mora vesh në tetor, tre muaj pasi ai kishte humbur. Më 25 shtator bashkëhsortja e vëllait Lindita kishte shkuar në polici për të bërë denoncimin për zhdukjen e tij. Por unë për këtë kam dyshimet e mia. Ajo na kishte gënjyer gjithë atë kohë, duke na e mbajtur të fshehuar largimin e vëllait tonë. Kur e pysnim ajo shprehej se Luani punonte si coban në Delvinë, ndërkohë që ai rezultonte i humbur’ Ndërsa kishte pak ditë që 50-vjecari kishte humbur, më datë 9 gusht të 2021 në familje mbërrin një informacion. Blutë e Këlcyrës ishin njoftuar nga kryeplaku i fshatit Kopaçez për një person të panjohur që endej rrugëve të Delvinës. Pas verifikimeve të bëra kishte rezultuar se bëhej fjalë për Luan Mançen. Sipas procesverbalit të mbajtur nga policia thuhej se ky person ishte gjendur në gjendje jo të mirë ndërsa ishte dërguar në qendrën shëndetësore për të marr trajtim mjekësor. Ky person nuk ishte shpallur i humbur deri në atë moment dhe për këtë arsye ishte lënë i lirë. E sëmurë nëna e Luanit 82 vjece jeton cdo ditë me brengë në zemër dhe me shpresën që të mos mbyllë sytë pa parë edhe një herë djalin e saj.

Programe të tjera

    Nuk u gjeten video për këtë program!

Shiko të gjitha

    Nuk u gjeten video për këtë program!

Shiko të gjitha