Një nga traditat më të veçanta dhe të shijshme të zonës së Pogradecit është përgatitja e piperit të kuq (pluhurit të specit) në mënyrë krejtësisht artizanale me gjyle! Me kameran e "Rreze Dielli", ndjekim hap pas hapi procesin tradicional: që nga tharja e kujdesshme e specave, thërrmimi i tyre me gjyle të rëndë metalike e deri te sitja e imët e pluhurit aromatik. Një zahire e domosdoshme për çdo shtëpi, ideale për t’i dhënë shije trahanasë, gatimeve tradicionale dhe çdo pjate të stinës së dimrit.