Ndoc Marku është babai në kërkim të dy djemve të tij Brunon dhe Alvaron rrëfeu pak ditë më parë në studion e emisionit 'Pa Gjurmë' dramën e jetës. Ai u braktis nga bashkëshortja ditën që përfundoi pas hekurave në vitin 1990 me akuzën e vrasjes. Pas kërkesës për divorc shkëputën çdo marrëdhënie, duke i dhënë fund edhe shpresës së babait për t’u bashkuar me fëmijët. 68-vjecari nuk i hoqi dorë nga kërkimet për të gjetur vendndodhjen e së shoqes, derisa mësoi se ajo kishte emigruar në Greqi. Në përpjekjet e vazhdueshme ai arrin t’i gjejë madje edhe adresën, por kjo gjë e përball me një tjetër realitet. Ish-bashkëshortja kishte krijuar një tjetër jetë, ndërsa një nga djemët kishte përfunduar në jetimore. Nga përpjekjet për t’i takuar hoqi dorë, por shpirtërisht ai ka kërkuar në gjithë këto vite të ketë kontakte me ta. Sot, Ndoc Marku jeton në Itali me bashkëshorten e tij dhe me djalin 26-vjeçar, ndërsa pas apelit të tij në studio reagon i biri. Bruno refuzon kategorikisht të ketë kontakte me të atin. Bruno Marku: Zonjë më dëgjon? Odeta Dume: Po të dëgjo j Andrea Bruno Marku: Se edhe unë jam duke ngarë kamionin tani. Dëgjo këtu, e ngacmove vëllain tim ke problem me mua. Veçse nëse kërkon Zoti të flasë me vëllain tim shko e flit me vëllain tim, nëse nuk të kërkon Zoti ke problem nga ana ime dhe e kam këtë fuqi Odeta Dume: Andrea, të lutem i lëmë këto kërcënime se nuk është serioze Bruno Marku: A jemi duke u kuptu? Apo jo? Odeta Dume: Jo ti nuk më ke kuptuar Bruno Marku: Mos më bëj të fik telefonin pa marrë një përgjigje Odeta Dume: Andrea, ti mund ta fikësh telefonin dhe është e drejta jote, unë po të them vetëm një gjë, denoncimin në ’Pa Gjurmë’ e ka bërë babai juaj. Ka të drejtat e plota të di se ku ndodhen fëmijët. Ti a ke një mesazh për babain, don të flasësh me babain tënd? Bruno Marku: Nuk më intereson kush më kërkon. 1 plus 1 bëjnë dy zonje, mos u merr me mua mos u merr me vëallin tim.