E lidhur me një djalë prej moshës 15-vjeçare, Aida Reçi u zhvendos në Fushë Krujë aty ku edhe humbi gjurmët më 13 tetor 2002. Historia e adoleshentes së zhdukur është e veshur me mister, pasi familjrët nuk mësuan kurrë identitetin e djalit me të cilin vajza e tyre kishte nisur bashkëjetesën. Vajza me origjinë nga Dibra banonte në Tiranë, kur vendosi të largohej drejt Fushë Krujës, ngjarje që daton në vitin 1999. Për tri vite me radhë ajo ikte dhe vinte për të takuar familjarët në kryeqytet edhe pse me ta kishte kontradikta të vazhdueshme, pasi ata ia kishin refezuar kategorikisht këtë marrëdhënie. Ardhja e saj e fundit në Tiranë ishte në vitin 2002, një takim ky që zgjati shumë, pasi ajo debatoi fort me të atin për shkak të largimit të saj me një të panjohur. Pasi del nga banesa me pretekstin se duhej të mbaronte një porosi, Aida nuk u bë më e gjallë. Që nga ai moment nuk dihet me asgjë për fatin e vajzës dibrane, e cila nga adoleshete sot është një vajza maxhorene. Pas pak kohësh vëllai i saj, Rizai e ka kërkuar në çdo cep të Fushë-Krujës me foton në dorë motrën e tij, por nuk mësoi kurrë asgjë për fatin e saj.