Kek me mollë

Përbërësit

170 gr gjalpë ambjenti

140 gr sheqer kaf

2 kokrra vezë

200 gr miell për kek

125 ml qumësht / dhallë

2-3 mollë

Pak kripë

Lëkura e 1 limoni

Për dekor:

1 lgj sheqer kaf

Kanellë pluhur

Arra / bajame

Përgatitja

Në një tas vendosim gjalpin e temperaturës së ambientit dhe sheqerin kaf. I trazojmë me një rrahës elektrik për 3-4 minuta derisa masa të bëhet kremoze. Shtojmë vezët një e nga një dhe vazhdojmë trazimin. Hedhim pak kripë dhe cipën e grirë të një limoni. Ulim shpejtësinë e mikserit dhe shtojmë miellin e situr dhe qumështin ose dhallën.

Masën e përgatitur të kekut e vendosim në një tavë të lyer me pak gjalpë. Mollët e qëruara pasi i kemi prerë në gjysmë hënë i vendosim mbi kekun duke i dekoruar. Sipër e spërkasim me sheqerin kaf, kanellën dhe arrat ose bajamet. E vendosim kekun në furrë të parangrohur në temperaturën 180 gradë Celsius për 55 minuta.