Kofshë qingji me patate

Përbërësit:

1 kofshë qingji

2 limona

2 thelpinj hudhër

2-3 degë rozmarinë

20 gr gjalpë

2 lgj vaj ulliri

Për salcën e lyerjes:

75 gr sheqer kaf

75 gr gjalpë

Për patatet:

1 kg patate

2 lgj vaj ulliri

Pak spec djegës

Kripë, piper

Lëng limoni

Përgatitja:

Fillimisht kemi tretur gjalpin, vendosim pak fara speci djegës dhe e lemë gjalpin të aromatiohet. Ndërkohë tek kofsha e qingjit bëjmë disa prerje me majën e thikës, e marinojme mishin me kripë dhe piper të zi. Në hapësira vendosim thelpinjtë e hudhrës të prera në feta. Më pas shtrydhim mbi kofshën e qingjit lëngun e dy limonëve, vendosim degë rozmarinë mbi prerjet që i kemi bërë mishit dhe e spërkasim mirë me gjalpë duke e masazhuar me duar. Kofshën e qingjit e vendosim në një tavë duke e mbështjellë edhe me letër pjekje dhe me letër alumini. Shtojmë pak ujë në tavë dhe e vendosim mishin të piqet në furrë të parangrohur, pas një ore e largojmë letrën e aluminit dhe të pjekjes.

Patatet i kemi zjerë dhe qëruar. I spërkasim me pak vaj ulliri, kripë, piper dhe rozmarinë dhe i vendosim në tavën ku po piqet mishi i qengjit. Tek gjalpi i aromatuar me fara e specit shtojmë pak ujë dhe sheqer kaf dhe e lemë derisa salca të lidhet. Në fund spërkasim patatet dhe kofshën e qingjit me salcën e karamelizuar.