Lë vajzën e mitur u zhduk 23 vite më parë/Mbërrin dëshmia’bombë’:Rexhep Koloshi jeton në...

25 Korrik 2022, 18:33

Dritë jeshile për fatin e Rexhep Koloshit, që humbi gjurmët 23 vite më parë. Ai lë vajzën e mitur dhe bashkëshorten për të emigruar drejt Maqedonisë së Veriut. Dëshmta që mbërriti pasditen e kësaj të hëne në emisionin ’Pa Gjurmë’ dha shenja jete për 47-vjeçarin nga Kukësi, për të cilin dyshohet se jeton në Podgoricë. Dëshmitari gjatë një lidhje telefonike zbuloi se Rexhepin e ka takuar afro dy vite më parë, ndërsa ka punuar me të për pak kohë. Ai i ka pohuar se quhet Rexhep Koloshi dhe se është nga qyteti verior. Dëshmitari thotë se ai është rimartuar me një tjetër grua shqiptare dhe se të paktën deri dy vite më parë ka jetuar në Podgoricë. 24-vjeçar në atë kohë kuksiani Rexhep Kaloshi u nis drejt Maqedonisë bashkë me dy shokët e tij Murat Llukovi dhe Lebib Llukovi. Ishte viti 1998, kur vendosën të largoheshin nga kufiri ilegalisht, sikundër kishin bërë edhe herë të tjera. Deri në pikën kufitare shkuan me makinë. Rexhepi punonte në Maqedoni si marangoz, kur një nga shokët e tij u kthye në fund të vitit 1998 dhe me porosi të vetë Rexhepit solli në familjen e këtij të fundit një pako llokume dhe një stekë cigare për babain. Madje ai i kishte komunikuar se në janar do të vinte në Shqipëri sëbashku me pronarin maqedonas, pikërisht në janar të vitit 1999 në muajin kur ai u zhduk. Dy shokët me të cilët ai u largua Murat Llukovi dhe Lebib Llukovi u kthyen ndërsa Rexhepi jo. Pasi janë pyetur nga familjarët dy bashkëudhëtarët, shokë të tij mësohet të kenë thënë se kanë mbërritur bashkë deri në Tetovë dhe më pas janë ndarë nga njëri tjetri. Sipas të njëjtave dëshmi në janar të vitit 1999 Rexhepi është parë në vëndin ku punonte si marangoz. Kunati, babai dhe një kushëri i Rexhepit u nisën drejt Maqedonisë për të komunikuar me vetë pronarin maqedonas por ai ju tha se po në janar të vitit 1999 Rexhepi kishte marrë paratë, dhe cdo gjë tjetër dukë u larguar. Djali i dytë nga 7 fëmijët e familjes Kaloshi, rezulton i humbur që prej vitesh.Vite gjatë të cilave me humbjen e tij, ai ka humbur edhe babain. Vajza që Rexhepi në moshën 1 vjeçare, sot është martuar. Bashkë me nënën jetuan në familjen e të atit për pak vite e më pas u larguan. 8 vite më parë edhe bashkëshortja e tij u nda nga jeta pas një aksidenti të rëndë që i mori jetën. Pjesa e mbetur e familjes janë shpërngulur në Tiranë që prej vitit 2006. Djali i hedhur i familjes Kaloshi u mungon ende sot, me një shenjë dalluese, një të carë në anën e djathtë të fytyrës, ai ka një ngjashmëri të madhe me një nga vëllezërit. Shabani i cili e kërkon në studion e ’Pa gjurmë’ ngjan me të vëllanë si dy pika uji. Nëna vuan mungesën e djalit, me një brengë në shpirt, nga e cila nuk ngriti më kokë.