Mish me pistil

Përbërësit:

• 4 qepë të thata
• 500 gr mish viçi ose dashi
• 5 copa pistil
• 40 gr oriz
• Piper i kuq
• Kripë, piper i zi

Përgatitja:

Fillimisht ndajmë mishin në racione dhe e vendosim të ziejë. Pasi mishi ka zjerë, kaurdisim mirë qepët e prera mesatarisht. Sapo qepët të bëhen transparente shtojmë pistilin e zbutur më parë në ujë si dhe orizin. Vazhdojmë kaurdisjen duke shtuar dhe pak nga lëngu i zierjes së mishit. Rregullojmë shijen me kripë, piper të zi dhe piper të kuq. Shtojmë racionet e mishit së bashkë me pak lëng dhe e kalojmë gatimin në një tavë dheu, të cilën e vendosim në furrë derisa sipërfaqja të ajkoset.