Në emisionin e mëngjesit “Rreze Dielli” në Report TV, astrologu Jorgo Pulla bëri një parashikim të detajuar për muajin Tetor për 12 shenjat e zodiakut. Sipas tij, Tetori do të jetë një muaj i gjatë me shumë zhvillime. Do të jetë një muaj dinamik, me ndyshime në punë, por dhe me mjaft zhvillime në fushën shpirtërore. ”Muaji Tetor është një muaj vendimtar sa i takon këtij viti, pasi kemi eklipsin e fundit diellor, dhe ndryshimet që do të ndodhin tani kanë një ndikim të madh në lidhje me vazhdimësinë” thotë Pulla, duke shtuar se ky moment është vendimtar për 6 muajt e ardhshëm. Vëmendje më të theksuar duhet të kenë të gjithë ata që kanë patur probleme me bankat, duhet të rishikojnë dhe një herë çështje të rëndësishme që lidhen me dokumentacione apo problematika në fushën e dashurisë, ku është momenti për të zgjidhur çdo lloj problemi. “Pritet të ndodhë një gjë shumë e madhe dhe pozitive këtë muaj, prandaj duhet të jemi të vëmendshëm në anën e ekonomisë dhe atë familjare”,- thekson Jorgo Pulla në parashikimin e tij për muajin Tetor.