Emiljano është djali i vetëm i familjes Balliu nga fshati Tërbaç në Elbasan. 3 anëtarët e kësaj familje prej 5 vitesh jetojnë në këtë çadër në kushte tejet të vështira. 24-vjeçari ka mbetur i paralizuar që foshnjë, pasi një temperaturë e lartë i shkaktoi goditje në tru. Sikur të mos mjaftonte kjo vuajtje për të birin Xhemal dhe Vule Balliu mbetën pa shtëpi, kur rrëshqitja e dherave i mori para gjithcka kishin ngritur me mund dhe djersë deri në atë kohë. Mes vuajtjeve të pafundmeata mbetën mes katër rrugëve, ndërsa deri më tani nuk kanë mundur të marrin asnjë lloj shpërblimi. Kryefamiljari është gjithashtu i sëmurë dhe e vetmja që kujdeset për të dy babë e bir është Vulja 54-vjecarja, e cila gjithë jetën ka mbajtur mbi shpinë hallet e familjes. Fati i keq e deshi që i biri të jetojë gjithë jetën në një karrocë me rrota, ndërsa 3 anëtarët e kësaj familje mbajnë frymën gjallë vetëm me kempine të birit. Këto janë kushtet ku jetojnë ende sot, ku jo pak të vështira kanë qenë muajt e acartë që u është dashur të kalojnë. Ata bëjnë apel për ndihmë nga kjo çadër ku kanë shtyrë 5 vite të mundimshme.