“Një ditë nga jeta e një bujku” ky është titulli I reportazhit të radhës që ju propozojmë të ndiqni. Zyhdi Muja banor në fshatin Bërzhitë të Tiranës, në një rrëfim ekskluziv për syrin e kameras së emisioneve Veri Jug. Pas studimeve të larta I diplomuar në degën e zooteknikës, Zyhdiu ka emigruar për 18 vjet në vendin fqinj, në Greqi dhe, pas një përvoje positive, vjen në fshatin e lindjes me ide interesante për t’i kthyer tokat e të parëve në ullishta. Historia e familjes Muja, një muze I vogël etnografik në kopshtin e shtëpisë, udhëtim drejt shtëpisë së vjetër edhe ajo si një muze I vogël I familjes dhe në fund ndalesë në ullishten e bujkut Zyhdi Muja. Janë rreth 150 rrënjë ullinj që japin 20 kuintal prodhim dhe 2 kuintal vaj ulliri, të mjaftueshme për nevojat e familjes dhe për pak tregti, në ndihmë të ekonomisë së familjes. Këto dhe të tjera, të djelën në reportazhin “Një ditë nga jeta e një bujku” me moderatorin e emisioneve Veri Jug, gazetarin Agim Pipa.