Emisionin "Pa gjurmë" me moderatore Odeta Dume mund ta ndiqni çdo të hënë, të martë, të premte në orën 16:55 dhe çdo të enjte në orën 20:55 në ekranin e Report TvVëlla e motër prej 15 vitesh janë në konflikt të vazhdueshëm. Në familjen Lushi nga Korça nuk ka qetësi që prej vitit 2002 e deri më sot. Nusja e familjes Ardiana kërkon të vë në vend drejtësinë, duke rrëfyer si nisi ky konflikt dhe pse prej dy vitesh bashkë me dy fëmijët e rritur dhe bashkëshortin e saj Albanin përfunduan në këtë çadër plastmasi. Kur deri në vitin 2019 ata jetuan në shtëpinë private, në fshatin Poloskë të Devollit.Sipas 48-vjeçares, është pikërisht ajo banesë që u bë molla e sherrit, për të cilën kryefamiljari Nexhat Lushi vendosi ta kalojë në emër të së bijës Diana, duke bërë një akt shitje në vitin 2006. Ai nuk la asnjë nga djemtë të përfitonin. Kjo futi në konflikt vëlla e motër të cilët nuk kanë mundur të shuajnë sherrin që lindi vite më parë. Albani dhe Adriana bëshkë me dy fëmijët jetuan në banesën e vajzës së familjes Lushi, deri ditën kur në vitin 2019 ajo vendosi t’i nxirrte jashtë në oborr. Ajo çka e vret edhe më shumë 48-vjeçaren është se shtëpia e cila është në emër të së kunatës u ndërtua me paratë e bashkëshortit të saj, nga puna e tij në emigracion. Sot Albani me familjen e tij janë të dëtyruar të jetojnë në kushte skandaloze, në një strehë të sajuar me plasmas dhe e vetmja e ardhur nga e cila sigurojën jetesën është puna në bujqësi.