17 janar 1998 Duhet të ishte një ditë lumturie për familjen Kopshtari nga Shkodra, pasi fejonin gëzimin e parë të shtëpisë, vajzën e tyre të madhe, por ajo ditë u kthye në tragjedi që do e shënjonte fortë jetën e tyre…. Jolanda, nëna e tre fëmijëve, teksa përgatiste gjerat e fundit të festës, dërgon dy fëmijët e tjerë më të vegjël, Ergin dhe Marinën në dyqanin e lagjes. Pas disa sekondash dëgjohen krisma…… Flak embëlsirat që po gatuante në kuzhine dhe del me vrap në rrugë….. shikon dy fëmijët e shtrirë dhe të mbuluar në gjak…. Plumbat kishin përshkuar krahërorin e Ergit 17 vjecar, i cili kishte ndërruar jetë në vend, ndërsa 7-vjecarja Marina ishte plagosur, pasi kishte marrë plumba në krahë Gezimi i asaj ditë u kthye në hidhërim, nënë Jolanda nuk do përcillte më vajzën tek dera e bashkëshortit, por të birin e saj të vetëm në banesën e fundit…. Asgje nuk mund ta ngushëllonte atë ditë, atë nënë fatzeze….zia kishte mbuluar gjithcka…. Por, ajo gjeti forcat për të shpëtuar të bijën 7-vjecare e cila po luftonte për jetën në spital. Pas shumë orëve operacioni dhe përpjekëve të mjekëve, vajza shpëtoi por sot atë gjymtyr ku plumbat e përshkuan nuk e ka më aktiv. Zemra e një nënë që pas varrimit të djalit dhe operacionit të së bijës kërkonte të mësonte të vërtetën, kush ishte dora e atij krimineli qe gjuajti mbi trupat e dy fëmijëve të saj të pafajshëm. Pse e kishte bërë…. Nga policia e Shkodrës u mësua se autori ishte arratisur dhe se shenjestra e tij ishte nje burrë dhe jo fëmijët……Konflikti i dy të rriturve, hasmëria mori jetën e 17 vjecarit dhe plagosi motrën e tij të vogël Marinën. Autori u denua nga Gjykata por ai jetoi në arrati për vite të tëra….. Emri i tij ishte një emer i njohur për drejtësinë shqiptare, pasi para këtij krimi ai kishte kryer një krim tjetër, ku kishte vrarë për hasmëri nje tjetër burrë dhe një fëmijë. Nga ajo ditë kanë kaluar 25 vite dhe koha nuk e ka shëruar zëmrën e nënë Jolandës. Vendos të hapi plagën e vjetër në një studio televizive, pasi autori I ngjarjes është rikthyer në Shkodër dhe jeton i lirë me familjen e tij, ndersa ajo lan cdo ditë me lot e vetme rrugët e qytetit.
