Pastiçe me spinaq dhe kos

Përbërësit:

• 1 pako makarona
• 6 lugë gjelle kos
• 6 vezë
• 1 tufë spinaq
• 5 lugë gjelle vaj
• Djathë sipas dëshirës

Për beshamelin:

• 700 ml qumësht
• 2 lugë gjelle gjalpë
• 2 lugë gjelle miell
• 2 vezë
• Djathë kaçkavall i grirë
• Kripë, arrë moskat

Përgatitja:

Ziejmë makaronat në ujë me kripë derisa të zbuten lehtë. I kullojmë. Në një enë të madhe përziejmë kosin me vajin, vezët dhe spinaqin e grirë. Shtojmë makaronat dhe sipas dëshirës edhe djathë të bardhë të thërrmuar. Masën e vendosim në tavë të lyer me pak gjalpë ose vaj. Përgatisim beshamelin. Kaurdisim miellin me gjalpin. Shtojmë gradualisht qumështin duke e trazuar vazhdimisht që të mos krijohen kokrriza. Rregullojmë shijen me kripë dhe arrë moskat. Në fund shtojmë vezët dhe kaçkavallin e grirë. Hedhim beshamelin sipër pastiçes dhe e vendosim në furrë në 200°C për rreth 40 minuta, derisa sipërfaqja të marrë ngjyrë të artë.