Pite me mish të grirë dhe djathë

Përbërësit:

• 1 gotë qumësht
• 1 gotë ujë i vakët
• ½ gotë vaj
• 1 pako maja e thatë
• 1 lugë çaji sheqer
• 1 lugë çaji kripë
• 5 gota miell (sipas nevojës)
•  
• Për mbushjen:
• 200 gr mish i grirë
• 1 qepë
• 1 spec jeshil
• ¼ tufë majdanoz
• 2 lugë gjelle vaj
• Kripë, piper i kuq, piper i zi
• Djathë kaçkavall i grirë

Përgatitja:

Në një enë përziejmë qumështin, ujin e vakët, vajin, sheqerin dhe majanë. Shtojmë kripën dhe miellin gradualisht derisa të formohet një brumë i butë. E mbulojmë dhe e lëmë të vijë në temperaturë ambienti. Ndërkohë përgatisim mbushjen. Qepën, specin dhe majdanozin i grijmë në blender ose shumë imët me dorë. I përziejmë me mishin e grirë, vajin dhe erëzat derisa të krijohet një masë homogjene. Brumin e ardhur e vendosim në tavë të shtruar me letër furre. E hapim lehtë me duar dhe e lyejmë sipër me pak vaj. Me gishta formojmë kanale paralele në brumë. Në një kanal vendosim mbushje me mish, në tjetrin djathë kaçkavall të grirë, duke i alternuar. Pasi e kemi përfunduar e vendosim në pjekje, në furrë të parangrohur në 180°C: 10 minuta vetëm nga poshtë, më pas nga sipër dhe poshtë derisa të marrë ngjyrë të artë.