Prokuroria e Lezhës, ka rihapur hetimet për vrasjen e 30-vjeçarit Shkurt Boci, 1999 në Fan të Mirditës. I riu u ekzekutua gjatë një operacioni policor, por ngjarja nuk është arritur të zbardhet. Sipas burimeve dosja hetimore prej muajsh është në duart e prokuorit Erjon Shehaj, i cili prej disa javësh është emeruar edhe si drejtues i Prokurorisë së Rrethit Gjyqësor Lezhë. Një fakt i tillë u bë publik në studion e emisionit Pa Gjurmë në Report TV, kur me risjelljen në fokus të kësaj ngjarje, në punattën e datës 24 maj të këtij viti Mark Boci, kushëriri i viktimës solli prova duke kërkuar rihetim të ceshtjes, të mbetur pa autor.Mesa sjellja në vemendje të medias u përkthye në një reagim insititucion. Gjatë 3 muajve të fundit organi i akuzes ka kryer hetime intensive, duke mbledhur prova e marrë në pyetje shumë përsona. Mes personave që ka dëshmuar për këtë ngjarje është edhe Drejtoriri i Policisë së Lezhës Zef Laska, pasi në periudhen kur është vrarë i riu mbante postin e komandantit të Forcave të Ndërhyjes së Shpejtë të Laçit. Në deklarimet e tij në polici, Laska ka thënë se nuk ka qenë në krye të operacionit diten kur ka ndodhur ngjarja, por në Tiranë. Prokuroria ka arritur të provojë arritur se Shkurt Boci është vrarë nga Forcat e Ndërhyrjes së Shpejtë të Laçit, por duke qenë se provat janë të pakta ende nuk është arritur të zbulohet autori i kësaj vrasje. Familjaret e 30-vjeçarit i kanë denocuar me emra personat që kanë qëlluar në drejtim të tij, por për shkak se nuk ka prova të mjaftueshme ende nuk është marrë asnjë përson i pandehur në lidhje me këtë ngjarje. Ekzekutimi i 30-vjeçarit Shkurt Boci erdhi pas një kontrolli policor në zonen e Fanit në Mirditë.