Qofte me salcë dhe pure në tavë
Përbërësit:
Për qoftet:
- 500 gr mish i grirë
- 2 feta bukë
- 2 thelpinj hudhër
- 1 kokërr vezë
- 1 lgj mustardë
- 1 lgj vaj ulliri
- ½ lgj uthull
- Majdanoz, nenexhik
- Kripë, piper
Për salcën:
- 2 kokrra domate
- 3-4 karafil
- 1 lgj salcë domate
- 1 lc sheqer
- 2 lgj vaj ulliri
- 2 thelpinj hudhër
- Kripë, piper
Për purenë:
- 500 gr patate
- 1 gotë qumësht
- 1 lgj gjalpë
- 200 gr djathë kaçkavall
- ½ tufë majdanoz
- Kripë, arrë moskat
Përgatitja:
Fillimisht bashkojmë të gjithë përbërësit e brumit të qofteve. E lemë brumin të pushojë për rreth 30 minuta. Ndërkohë kemi vendosur patatet të ziejnë.
Fillojmë përgatisim salcën duke kaurdisur fillimisht qepën e grirë imët. Më pas shtojmë salcën e domates dhe e lemë të marrë valë për pak minuta. Shtojmë erëzat dhe e lemë salcën të lidhet. Ndërkohë skuqim qoftet dhe i vendosim në tiganin e salcës. Në fund shtojmë domatet qershi të cilat i kemi aromatizuar me karafil. E spërkasim me majdanoz dhe e vendosim në furrë për 30 minuta. Në fund përgatisim purenë e patates më të cilën do të shoqërojmë qoftet më salcë.
