Qofte me shije pice në salcë domate

Përbërësit:

Për qoftet:

• 300 gr mish i grirë
• 1 qepë e thatë
• 2 thelpinj hudhër
• 1 vezë
• 1 lgj galetë
• ½ tufë majdanoz
• 1 tufë borzilok
• 1 spec i kuq
• 1 lgj keçap
• 1 lgj uthull
• Koncentrat perimesh
• Arrë moskat
• Kripë, piper
• Miell për pudrosjen e qofteve
• Vaj për skuqje

Për salcën:

• Salcë domate
• Qepë
• Hudhër
• Borzilok
• Kanellë
• Kripë, piper

Përgatitja:

Në një tas vendosim të gjithë përbërësit e qofteve. E punojmë mirë brumin e qofteve dhe e lemë të pushojë për 30 minuta. Më pas realizojmë qoftet të cilat i pudrosim me pak miell dhe i skuqim në vaj të nxehtë. Ndërkohë përgatisim salcën duke kaurdisur fillimisht një qepë të grirë shumë i imët bashkë më një thelpi hudhër. Sapo qepa të bëhet transparente shtojmë salcën e domates. E lemë të marrë valë dhe në fund rregullojmë shijen me kripë, piper, pak koncentrat perimesh, pak kanellë dhe gjethe borziloku.