Sfoliatë me krem e reçel mjedre dhe qofte me ton / Pjesa e dytë

4 Prill, 13:05

Receta e dytë: Qofte me ton

Përbërësit:

280 gr ton

½ qepë mesatare

2 thelpinj hudhër

2 gj bar qepe( ose bishta qepe)

2 lgj majdanoz i grirë hollë

90 gr tërshërë

¼ lk spec pikant

1lk kripë

2 kokrra veze

4 lgj vaj ulliri

Përgatitja:

Kullojmë tonin mirë në një sitë (kullesë) duke e shtypur me pirun me qëllim që të mos ketë lëng dhe më pas e vendosim në një tas.

Grijmë shumë hollë qepët dhe i shtojmë në tas. Shtojmë gjithashtu edhe hudhrat e shtypura mirë. Grijmë shumë imët bar qepe ose bishta të hollë qepe të njomë(2 lugë gjelle) dhe shtojmë gjithashtu 2 lugë gjelle majdanoz të grirë hollë.

Shtojmë tërshërën të bluar imët, specin pikant e kripën.rrahim 2 vezë të plota dhe i shtojmë në tasin ku kemi vendosur të gjithë përbërësit e mësipërm. I trazojmë mirë me lugë deri sa të na bëhet një brumë i lidhur. Formojmë 9-10 qofte. Ngrohim vajin, i skuqim nga të dyja anët dhe i shërbejmë me sallatën e preferuar.

Programe të tjera

Shiko të gjitha