Pite e hapur me kimà

Përbërësit:

• 2 vezë
• 2 gota qumësht
• 2 gota ujë
• 4 gota miell
• 1 lç sodë
• 1 lç kripë
• 300 gr mish i grirë
• 1 qepë
• 1 spec i kuq
• 1 spec jeshil
• 1 lgj salcë e kuqe
• 2-3 lgj vaj ulliri
• Kripë, piper
• Djathë kaçkavall

Përgatitja:

Mishin e grirë me qepën e kaurdisim me pak vaj ulliri, shtojmë pak kripë dhe ujë dhe e lëmë të gatuhet. Më pas shtojmë salcën e domates, erëzat dhe specat e prera në kubikë. E lëmë kimàn të lidhet dhe e largojmë nga zjarri. Rrahim vezët me qumështin dhe ujin, shtojmë miellin, pak sodë buke dhe kripë. E trazojmë mirë dhe e hedhim në tavë së bashku me kimën e përgatitur. E hapim mirë, sipërfaqen e spërkasim më djathë kaçkavall të grirë dhe e vendosim në furrë në temperaturën 200 gradë Celsius për 30 minuta.